ອີງຕາມຂ່າວຈາກ ນະຄອນຫລວງ ວໍຊີງຕັນ, ວັນທີ13 ພຶດສະພານີ້ວ່າ, ທ່ານ ໂຈໄບ ເດັນ,ປະທານາ ທິບໍດີ ສ.ອາເມຣິກາ ໄດ້ໃຫ້ການຕ້ອນຮັບ ແລະ ພົບປະປຶກສາຫາລືກັບຜູ້ນຳ 8 ປະເທດ ສະມາຊິກສະມາຄົມປະຊາຊາດ ແຫ່ງ ເອເຊຍ ຕາເວັນອອກສ່ຽງໃຕ້ (ອາຊຽນ) ທີ່ທຳນຽບຂາວ ຂອງ ສ.ອາເມຣິກາ ແລະ ໄດ້ໃຫ້ຄຳໝັ້ນສັນຍາຈະສະໜອງ ງົບປະມານສະໜັບສະໜູນ ອາຊຽນ 150 ລ້ານໂດລາສະຫະລັດ ເພື່ອການພັດທະນາພື້ນຖານໂຄງລ່າງ, ຄວາມໝັ້ນຄົງ ແລະ ການກຽມຄວາມພ້ອມຮັບມື ວິກິດກັບໂຣກລະບາດ ໂຄວິດ-19.
ຂະນະທີ່ ທ່ານ ໂຈໄບເດັນ ແລະ ພາກສ່ວນ ທີ່ກ່ຽວຂ້ອງ ພວມເຮັດວຽກກ່ຽວກັບຂອບການຮ່ວມມື ເສດຖະກິດ ອິນໂດ-ປາຊີຟິກ (IPEF) ແຕ່ຍັງບໍ່ທັນລົງເລິກ ດ້ານລາຍລະອຽດແຕ່ຫລາຍຝ່າຍເຊື້ອໝັ້ນວ່າ ຜູ້ນຳ ສ.ອາເມຣິກາ ຈະເປີດຕົວຂອບການຮ່ວມມືນີ້ລະຫວ່າງ ການເດີນທາງຢ້ຽມຢາມ ຍີ່ປຸ່ນ ແລະ ສ.ເກົາຫລີ ໃນໄລຍະ ທ້າຍເດືອນນີ້.
ແຫຼ່ງຂໍ້ມູນ: https://www.thansettakij.com/world/524726