ເປັນອີກໜຶ່ງຄວາມພູມໃຈ ຂອງແນັດ ລະພັດສະຣະດາ ຈະເລີນວົງ ດີເຈສາວງາມ ຈາກພຣາວ ເຣດີໂອ 104.75 ອະດີດພິທີກອນລາຍການ PPTV ຜູ້ບໍລິຫານຄື້ນ FM90 ແລະ ນັກຈັດລາຍການວິທະຍຸ 94.5, 98.0, 104.75 ເຊິ່ງປັດຈຸບັນ ມີຕຳແໜ່ງເປັນ ປະທານກຳມະການບໍລິສັດ ຈີທີພີ, ປະທານກຳມະການບໍລິສັດ ນ່ານຟ້າເວີລທົວ ຈຳກັດ ແລະ NLP Jewelry ທີ່ໄດ້ຮັບລຳບວງສວງ ງານພະຍາສີສັດຕະນາກຄະຣາດ 7 ເດືອນ 7 ເປັນປີທີ 3 ຕິດຕໍ່ກັນ ທີ່ລານພະຍານາຄະຣາດ ຕຳບົນໃນເມືອງ, ອຳເພີເມືອງ, ຈັງຫວັດນະຄອນພະນົມ.
ໂດຍຮັບກຽດເປັນປະທານພິທີດັ່ງກ່າວ ຈາກນາງສາວ ສຸພະພານີ ໂພທິສຸ, ນາຍົກອົງການສ່ວນ ຈັງຫວັດ ນະຄອນພະນົມ ແລະ ທ່ານນິວັດ ເຈີຍວິຣິຍະບຸນຍາ, ນາຍົກເທດສະມົນຕີ ອຳເພີເມືອງ ນະຄອນພະນົມ ແລະ ພາກສ່ວນຕ່າງໆ ທີ່ກ່ຽວຂ້ອງ ລວມທັງຄົນທີ່ເກີດວັນເສົາ ເຂົ້າຮ່ວມໃນພິທີ.
ເຊິ່ງພິທີດັ່ງກ່າວມີຜູ້ເຂົ້າຮ່ວມຫຼາຍກວ່າ 1,000 ຄົນ ຈາກອຳເພີເມືອງ ນະຄອນພະນົມ ໂດຍມີນາງລຳຊົນເຜົ່າໄທແສກ, ຊົນເຜົ່າໄທຕາດ ແລະ ນາງລຳຈາກເທດສະບານເມືອງ ນະຄອນພະນົມ, ໂດຍຜູ້ເຂ້າຮ່ວມແມ່ນໄດ້ໃສ່ຊຸດພື້ນເມືອງ ແລະ ຊຸດປະຈຳເຜົ່າ ຮ່ວມຂະບວນແຫ່ ເຄື່ອງບູຊາພະຍາສີສັດຕະນາກຄະຣາດ ຈາກບໍລິເວນໜ້າ ທະນາຄານກຸງໄທ ຖະໜົນນິດຕະໂຍ, ຕຳບົນໃນເມືອງ, ອຳເພີເມືອງ ນະຄອນພະນົມ ໄປຫາລານພະຍາ ສີສັດຕະນາກຄະຣາດ ແລະ ກ່າວຄຳບູຊາໜ້າອົງພະຍານາກຄະຣາດ.
ສຳລັບການລຳບວງສວງທີ່ນຳໂດຍ ແນັດ ລະພັດສະຣະດາ ໄດ້ຮ່ວມເຮັດພິທີໃນມື້ສຸດທ້າຍນັ້ນ ແມ່ນເປັນການລວມພົນຄົນເກີດວັນເສົາ ແລະ ຜູ້ທີ່ສັດທາຕໍ່ອົງພະຍານາກຄະຣາດ ໂດຍມີພິທີ ລຳບວງສວງທັງໝົດ 7 ຊຸດປະກອບມີ:
ຊຸດທີ 1: ການສະແດງອັດຕະລັກພືນຖິ່ນ ຈາກອຳເພີເມືອງ ນະຄອນພະນົມ;
ຊຸດທີ 2: ເພງຂໍພອນປູ່ພະຍາສີສັດຕະນາຄະຣາດ.
ຊຸດທີ 3: ເພງສີໂຄດຕະບູນ.
ຊຸດທີ 4: ເພງນະຄອນພະນົມເມືອງງາມ.
ຊຸດທີ 5: ເພງອອນຂອນນະຄອນພະນົມ.
ຊຸດທີ 6: ເພງຮິດ 12 ຂອງດີອີສານ ແລະ
ຊຸດທີ 7: ເພງນະຄອນພະນົມຄືນເພັນ.
ສ່ວນກິດຈະກຳອື່ນໆ ພາຍໃນງານ ແມ່ນການອອກໂຮງທານສຳລັບຜູ້ມີຈິດສັດທາ, ການຈຳໜ່າຍສິນຄ້າ OTOP, ການຈຳໜ່າຍສິນຄ້າ, ຖະໜົນຄົນຍ່າງ, ຄາຣາວານສິນຄ້າ, ມະຫາກຳອາຫານ, ການສະແດງສິລະປະວັດທະນະທຳ (ໝໍລຳ) ການສະແດງສິລະປະວັດທະນະທຳເພື່ອການທ່ອງທ່ຽວ 9 ຊົນເຜົ່າ 2 ເຊື້ອຊາດ ແລະ ອື່ນໆ.
