ຕາມຂ່າວຈາກ AFP,ວັນທີ29ພືດສະພານີ້, ອົງການ ອາຫານ ແລະ ການກະເສດ ຂອງສະຫະ ປະຊາຊາດ (FAO) ແລະ ໂຄງການ ອາຫານ ໂລກ(WFP) ປະກາດ ຍົກລະດັບ ເຕືອນໄພ ຄວາມບໍ່ໝັ້ນຄົງ ດ້ານສະບຽງ ອາຫານ ໃນຫລາຍພື້ນທີ່ ທົ່ວໂລກ ເປັນຕົ້ນ: ອາຟະການິດສະຖານ,ນີເຊຣີ,ໂຊມາລີ,ຊູດັງໃຕ້, ແລະ ເຢເມນ ຍັງຄົງເປັນປະເທດ ຢູ່ໃນກູ່ມ ທີ່ຂາດ ຄວາມໝັ້ນຄົງ ດ້ານອາຫານ ຢ່າງຮຸນແຮງ.ນອກນີ້ ຍັງໄດ້ເພີ່ມ ປະເທດ ໄຮຕິ,ບວກກິນາຟາໂຊ,ມາລີ,ຊູດັງ ແລະ ພາກພື້ນ ໃນທະວີບ ອາຟຣິກາ ເຂົ້າສູ່ກຸ່ມສ່ຽງ ໄພອືດຫີວ ຮຸນແຮງ ຍ້ອນມີການຈຳກັດ ການເຄື່ອນໄຫວ ຂອງປະຊາຊົນ ໃນການເຄື່ອນຍ້າຍ ສິນຄ້າ ແລະ ເຂົ້າເຖິງ ແຫລ່ງອາຫານ ສະຖານະການ ຄວາມວຸ້ນວາຍ ທາງສັງຄົມ ແລະ ເກີດສົງຄາມ ກາງເມືອງ ຄັ້ງໃໝ່ ໃນຊູດັງ ລວມທັງ ການປ່ຽນແປງ ຂອງດິນຟ້າ ອາກາດ ເຮັດໃຫ້ ປະລິມານ ນ້ຳຝົນ ຫລຸດລົງ ຫລາຍກວ່າ ປົກກະຕິ
