ຕາມຂ່າວຈາກ ວິທະຍຸສາກົນ ຫວຽດນາມ, ເມື່ອບໍ່ດົນມານີ້,ການນຳ ບັນດາ ປະເທດ ສະມາຊິກ ອາຊຽນ ໄດ້ປະກາດ ຊຸກຍູ້ ການເຊື່ອມຕໍ່ ການ ຊຳລະ ໃນພາກພື້ນ ແລະ ຊຸກຍູ້ ການຊຳ ລະພາຍໃນ ພາຍຫລັງ ຕະຫລາດ ຊຳລະ ດີຈີຕອນ ພວມຂະຫຍາຍ ໃນອາຊຽນ ຈະບັນລຸ 2.000 ຕື້ໂດລາ ສະຫະ ລັດ ຄິດໄລ່ ຕາມມູນຄ່າ ການແລກປ່ຽນ ຮອດປີ 2030.ປະຈຸບັນ, ບັນດາ ປະ ເທດ ອາຊຽນ ພວມມີ ບັນດາ ບາດກ້າວ ພັດທະນາ ດີພໍສົມຄວນ ໃນການ ເຊື່ອມຕໍ່ ການຊຳລະ ໃນພາກພື້ນ ແລະ ຊຸກຍູ້ ການນຳໃຊ້ ສະກຸນເງິນ ພາຍ ໃນ. ບັນດາປະເທດຄື ບຣູໄນ,ອິນໂດເນເຊຍ, ມາເລເຊຍ, ມຽນມາ, ຟີລິບປິນ, ສິງກະໂປ, ໄທ, ສປປ ລາວ, ກຳປູເຈຍ ແລະ ສສ ຫວຽດນາມ ໄດ້ປະຕິບັດ ບັນດາ ຂອບເຂດ ການຊຳລະເງິນ ພາຍໃນ ສອງຝ່າຍ ອີງຕາມ ຂໍ້ແນະນຳ ອາຊຽນ. ທະນາຄານແຫ່ງລັດ ຂອງ ສສ ຫວຽດນາມ ແລະ ທະນາຄານ ໄທ ໄດ້ພ້ອມກັນ ສະເໜີ ການບໍລິ ການ ຊຳລະ QR ໃຫ້ແກ່ ບັນດາການ ແລກ ປ່ຽນ ຂ້າມຊາຍແດນ. ນອກຈາກນັ້ນແລ້ວ, ທະນາຄານ ອິນໂດເນເຊຍ ແລະ ອົງການເງິນຕາ ສິງກະໂປ ກໍ່ຮ່ວມມືກັນ ຊຳລະ QR ຂ້າມຊາຍແດນເພື່ອ ເພີ່ມທະວີ ການເຊື່ອມຕໍ່ ການຊຳລະ ໃນທົ່ວອາຊຽນ ໃຫ້ຫລາຍຂຶ້ນ ກວ່າເກົ່າ
