ຂ່າວສານ ຊີອາໄອ ລາຍງານ ເມື່ອທ້າຍອາທິດທີ່ຜ່ານມານີ້, ຜູ້ນຳປະເທດ ອາຊຽນ ໄດ້ປະກາດໃນກອງປະຊຸມສຸດຍອດອາຊຽນຄັ້ງທີ 40 ແລະ ຄັ້ງທີ 41 ວ່າ: ອາຊຽນຮັບຮອງເອົາປະເທດຕີມໍເລັສເຕ ເປັນປະເທດສະມາຊິກທີ 11 ໃນດ້ານຫຼັກການ ໂດຍອາຊຽນໄດ້ມອບຖານະບົດບາດທີ່ເປັນປະເທດສັງເກດການໃຫ້ແກ່ຕີມໍເລັສເຕ ພ້ອມທັງໄດ້ອະນຸມັດໃຫ້ຕີມໍເລັສເຕເຂົ້າຮ່ວມກອງປະຊຸມອາຊຽນທັງໝົດ ລວມທັງກອງປະຊຸມຄົບຄະນະຂອງກອງປະຊຸມສຸດຍອດ, ຊ່ວຍເຫຼືອປະເທດຕີມໍເລັສເຕ ໃນການວາງແຜນວາດເຂົ້າເປັນປະເທດສະມາຊິກອາຊຽນ ແລະ ຍັງຈະຍື່ນໃຫ້ກອງປະຊຸມສຸດຍອດຜູ້ນຳອາຊຽນຄັ້ງທີ 42 ເພື່ອຜ່ານການຮັບຮອງ. ປະເທດສະມາຊິກອາຊຽນ ແລະ ຄູ່ຮ່ວມມືທັງໝົດຄວນໃຫ້ການສະໜັບສະໜູນທີ່ຈຳເປັນແກ່ຕີມໍເລັສເຕໃນການເຂົ້າຮ່ວມອາຊຽນຢ່າງເປັນທາງການ.
ອາຊຽນໄດ້ສ້າງຕັ້ງຂຶ້ນໃນປີ 1967 ປະເທດສະມາຊິກໃນປັດຈຸບັນມີທັງໝົດ 10 ປະເທດ ຄື: ກຳປູເຈຍ, ອິນໂດເນເຊຍ, ໄທ, ສິງກະໂປ, ຟີລິບປິນ, ບຣູໄນ, ມາເລເຊຍ, ຫວຽດນາມ, ລາວ ແລະ ມຽນມາ.
