ຕາມຂ່າວຈາກ ວໍຊີງຕັນ, ວັນທີ 27 ເມສາ ນີ້, ລາຄາ ນໍ້າມັນດິບ West Texas ຈະຈັດສົ່ງມອບໃນ ເດືອນ ມິຖຸນາປີນີ້ ມີການຊື້-ຂາຍ ທີ່ຕະຫລາດ NIMEX ປັບເພີ່ມຂຶ້ນ 3.16 ໂດລາ ສະຫະລັດ ປິດທີ່ 101.70 ໂດລາ ສະຫະລັດຕໍ່ຖັງ ດ້ານນ້ຳມັນດິບ ເບຣນ (Brent) ສົ່ງມອບ ໃນເດືອນດຽວກັນ ເພີ່ມຂຶ້ນ 2.67 ໂດລາ ສະຫະລັດ ປິດທີ່ 104.99 ໂດລາ ສະຫະລັດຕໍ່ຖັງ ຫລັງຈາກ ໄດ້ຮັບແຮງໜູນຄຳສັ່ງຊື້ ເພື່ອສ້າງກຳໄລ.
ຂະນະທີ່ ທະນາຄານກາງ ສ.ອາເມຣິກາ (Fed)ເລັ່ງປັບຂຶ້ນ ອັດຕາ ດອກເບ້ຍ 0.50% ແລະ ກອງທຶນ ການເງິນ ສາກົນ(IMF) ຄາດການ ເສດຖະກິດໂລກ ຈະຂະຫຍາຍຕົວ 3.6% ໃນປີນີ້ ແລະ ປີໜ້າ ໂດຍຫລຸດຈາກ ຕົວເລກ ຄາດການໄວ້ ກ່ອນໜ້ານັ້ນ 4,.4% ໃນປີນີ້ ແລະ 3.8% ໃນປີໜ້າຕາມລຳດັບ.
