ອັດຕະປື ສືບຕໍ່ເສີມກໍາລັງ ເພື່ອຊ່ວຍເຫລືອປະຊາຊົນ

ອີງຕາມການລາຍງານຂອງ ພະແນກ ຮສສ ແຂວງ ອັດຕະປື ໃນນາມກອງເລຂາ, ຜູ້ປະຈຳການຄະນະກໍາມະການຄຸ້ມຄອງໄພພິບັດຂັ້ນແຂວງ ໃນຕອນແລງວັນທີ 28 ກັນຍາ 2022 ນີ້, ແຂວງອັດຕະປື ໄດ້ມີການກະກຽມຄວາມພ້ອມ ແລະ ເສີມກໍາລັງ ເພື່ອຊ່ວຍເຫລືອປະຊາຊົນ ກໍຄືການຮັບມືກັບພາຍຸໄຕ້ຝຸ່ນ ໂນຣູ.

ໃນປັດຈຸບັນເຫັນໄດ້ວ່າ: ບັນດາເມືອງທີ່ໄດ້ຮັບຜົນກະທົບຫນັກມີ 2 ເມືອງຄື: ເມືອງ ຊານໄຊ ແລະ ເມືອງ ສະ ໜາມໄຊ, ຕໍ່ກັບສະພາບການດັ່ງກ່າວ, ທາງຄະນະກຳມະ ການຄຸ້ມຄອງໄພພິບັດຂັ້ນແຂວງ ໄດ້ຈັດເສີມກຳລັງກູ້ຊີບກູ້ໄຟລົງ ແລະ ກຳລັງຈາກກອງທັບ ລວມມີ 10 ກວ່າຄົນ ລົງປະຈຳພາກສະຫນາມ ໂດຍປະສານສົມທົບກັບເມືອງຊານໄຊ ເພື່ອຍົກຍ້າຍຊ່ວຍ ເຫລືອປະຊາຊົນ ທີ່ໄດ້ຮັບຜົນກະທົບ ແລະ ໄດ້ຊ່ວຍເຫລືອນັກຮຽນ-ຄູອາຈານ ທີ່ຕິດຢູ່ໂຮງຮຽນ ມຕ ຈະເລີນໄຊ ມີຄວາມປອດໄພດີ.

ສ່ວນເມືອງ ສະໜາມໄຊ ຄະນະກຳມະການຄຸ້ມຄອງ ໄພພິບັດຂັ້ນແຂວງ ໄດ້ສົ່ງກຳລັງ ພ້ອມເຮືອ ລົງສົມທົບກັບເມືອງ ເຊິ່ງມີກຳລັງທັງໝົດ 30 ຄົນ ເພື່ອຊ່ວຍຍົກຍ້າຍປະ ຊາຊົນທີ່ໄດ້ຮັບຜົນກະທົບແລ້ວ. ສໍາລັບຂັ້ນແຂວງ ແມ່ນມີ ເຮືອ 4 ລຳ ລົດເຊອາ 3 ຄັນ ກຳລັງ 70 ຄົນ ແລະ ມີຄະນະຊີ້ນຳຢ່າງໃກ້ຊິດ, ມີການປະຊຸມເປັນໄລຍະ ຮ່ວມກັບພະ ແນກຊັບພະຍາກອນທຳມມະຊາດ ແລະສິ່ງແວດລ້ອມ ແຂວງ ໃນການເຝົ້າລະວັງນໍ້າຂຶ້ນລົງ ເພື່ອວາງແຜນຮັບມື, ນອກນີ້ ກອງເລຂາ ຂັ້ນແຂວງ ແມ່ນໄດ້ປະຈຳການຕະ ຫລອດ 24 ຊົ່ວໂມງ.

ຂ່າວ: ມະນີວອນ

Some of these animals can endanger human lives while others simply fail to thrive when removed from their natural habitats. Capable of surviving high temperatures, especially those of pasteurization. The Parramatta Eels season is over, missing out on the finals despite were tipping a bottom four finish with the team narrowly avoiding the.
error: Content is protected !!