ຕາມຂ່າວຈາກ ຣອຍເຕີ, ວັນທີ 26 ກັນຍານີ້,ທ່ານ ເຟີດີນັນ ມາຣກໍສ ຈູເນຍ(Ferdinand Marcos Jr),ປະທານາທິບໍດີ ຟີລິບປິນ ໄດ້ສັ່ງໃຫ້ ຈັດສົ່ງເຄື່ອງໃຊ້ສອຍທີ່ຈຳເປັນ ແລະ ເຄື່ອງເຮັດຄວາມສະອາດໃຫ້ແກ່ຜູ້ປະສົບ ເຄາະຮ້າຍຈາກລົມພາຍຸ ໄຕ້ຝຸ່ນ ໂນຣູ (Noru) ທີ່ພັດເຂົ້າເກາະ ລູຊອນ (Luzon) ຂອງປະເທດ ເຮັດໃຫ້ມີ ຜູ້ເສຍຊີວິດຢ່າງໜ້ອຍ 5 ຄົນ ຫລັງຈາກ ສັ່ງປິດໂຮງຮຽນ ແລະ ສະຖານທີ່ເຮັດວຽກຂອງລັດທຸກແຫ່ງ ຢູ່ເກາະລູຊອນ ຊຶ່ງເປັນເກາະໃຫຍ່ທີ່ສຸດ ຕັ້ງຢູ່ທາງເໜືອ ຂອງ ຟີລິບປິນ ແລະ ເນັ້ນໃຫ້ ໜ່ວຍງານທຸກແຫ່ງພ້ອມສົ່ງມອບ ຄວາມຊ່ວຍເຫລືອ ໃຫ້ແກ່ປະຊາຊົນຕະຫລອດ 24 ຊົ່ວໂມງ ພາຍຫລັງ ພາຍຸ ພັດຂຶ້ນຝັ່ງ ທີ່ເກາະລູຊອນ ດ້ວຍຄວາມໄວລົມ 175 ກິໂລແມັດຕໍ່ຊົ່ວໂມງ ແລະ ຄວາມໄວລົມພັດ ແຮງສູງສຸດ ໃກ້ສູນກາງ 290 ກິໂລແມັດ ຕໍ່ຊົ່ວໂມງ ຖືເປັນຄວາມແຮງ ເທົ່າທຽບກັບ ເຮີຣິເຄນ ລະດັບ 3 ແລະ ເປັນພາຍຸ ທີ11 ພັດຜ່ານ ຟີລິບປິນ ໃນປີນີ້ ສ້າງຄວາມເສຍຫາຍ ເປັນບໍລິເວນກວ້າງ ໂດຍສະເພາະ ເຮືອນປະຊາຊົນ ແລະ ຖະໜົນ ຫລາຍສາຍ ຈົມຢູ່ໃຕ້ນ້ຳ.ນອກນີ້ ຍັງສັ່ງຍົກຍ້າຍ ປະຊາຊົນ 74,000 ຄົນ ໄປຢູ່ ເຂດປອດໄພແລ້ວ.
ຮຽບຮຽງຂ່າວໂດຍ: ສະໄຫວ ລາດປາກດີ
