ອີງຕາມເຟສບຸກຫ້ອງການຖະແຫຼງຂ່າວ, ວັດທະນາທຳ ແລະ ທ່ອງທ່ຽວ ເມືອງ ໄຊ ລາຍງານວ່າ: ເນື່ອງຈາກວ່າສະຖານະການ ຝົນຕົກໜັກຕໍ່ເນື່ອງ 7-8 ຊົ່ວໂມງໃນຕອນເຊົ້າວັນທີ 26 ສິງຫາ 2022 ນີ້ ໄດ້ເຮັດໃຫ້ນ້ຳນອງຂຶ້ນຖ້ວມບາງເຂດ, ບາງບ້ານ ແລະ ດິນສະໄລ ດິນເຈື່ອນຖົ່ມໃສ່ເຮືອນພໍ່ແມ່ປະຊາຊົນ ສ້າງຄວາມເສຍຫາຍຢ່າງໜັກ.
ບ້ານທີ່ມີນ້ຳຖ້ວມຄື: ບ້ານຫຼັກ 10, ເຂດບ້ານຫຼັກ 4, ບ້ານປ່າສັກ ແລະ ເຂດອື່ນໆຂອງເມືອງໄຊ. ທາງຫ້ອງການ ຖວທ ເມືອງ ຍັງໄດ້ແຈ້ງໃຫ້ພໍ່ແມ່ພີ່ນ້ອງຊາວເມືອງໄຊ ຫລື ພໍ່ແມ່ປະຊາຊົນທີ່ຢູ່ແຄມແມ່ນ້ຳ ແລະ ຕີນພູ ຈົ່ງມີສະຕີລະວັງຕົວ ຕໍ່ສະພາບຝົນຕົກໜັກ, ຍົກຍ້າຍເຄື່ອງຂອງໄວບ່ອນປອດໄພ.
ພາບ: ແສງຈິດ ໄຊຍະໂຕນ, ຫ້ອງການ ຖວທ ເມືອງໄຊ