ຖ້າຫາກສິ່ງຕໍ່ໄປນີ້ ຄືບັນດາພຶດຕິກຳ ທີ່ທ່ານມັກເຮັດ ຫຼັງຈາກກິນອີ່ມ ຢ່າປະໃຫ້ອາການ “ໜັງທ້ອງຕຶງ ໜັງຕາຍານ” ມາມີອິດທິພົນ ຈົນເຮັດໃຫ້ທ່ານເສຍສຸຂະພາບ.
- ຢ່າດື່ມຊາເຂັ້ມໆຕໍ່ ເພາະວ່າ ຮ່າງກາຍຈະດູດຊຶມສານອາຫານ ໂດຍສະເພາະ ທາດເຫຼັກໄດ້ໜ້ອຍລົງ, ສ່ຽງຕໍ່ໂຣກຫົວໃຈ.
- ຢ່າຟ້າວເຮັດວຽກ: ເລືອດຈະໄປລ້ຽງກ້າມຊີ້ນ ແລະ ສະໝອງໜ້ອຍລົງ ເຮັດໃຫ້ຮ່າງກາຍອ່ອຍເພຍ.
- ຢ່າຂັບລົດ: ຄວາມງ່ວງນອນ ບວກກັບອ່ອນເພຍ ຈະເຮັດໃຫ້ປະສິດທິພາບ ໃນການຂັບລົດຫຼຸດລົງ.
- ຢ່າອອກກຳລັງກາຍ: ອາຫານຈະບໍ່ຍ່ອຍ, ຮ່າງກາຍດູດຊຶມອາຫານໄດ້ໜ້ອຍ ແລະ ຈຸກ.
- ຢ່າກິນຈົນຕ້ອງປົດຂໍໂສ້ງ ຫຼື ປົດສາຍແອວ ເພາະຈະເຮັດໃຫ້ລຳໄສ້ບິດໂຕ, ເຮັດວຽກບໍ່ປົກກະຕິ ແລະເກີດອຸຕັນ.
- ຢ່າອາບນໍ້າ ເພາະມັນຈະກະຕຸ້ນການໄຫຼວຽນເລືອດ ລົບກວນລະບົບການຍ່ອຍອາຫານ.
- ຢ່າສູບຢາ: ການສູບຢາຫຼັງຈາກກິນອາຫານອີ່ມ ສ່ຽງຕໍ່ໂຣກມະເຮັງ ຫຼາຍກວ່າການສູບໃນເວລາອື່ນໆ.
- ຢ່ານອນ: ກະເພາະອາຫານ ແລະ ລຳໄສ້ຍ່ອຍອາຫານໄດ້ບໍ່ສະດວກ ແຖມສ່ຽງເປັນໂຣກກົດໄຫຼຍ້ອຍ. ຄວນນອນຫຼັງກິນອີ່ມ ປະມານ 2 ຊົ່ວໂມງຂຶ້ນໄປ.
