ເກີດເຫດນ້ຳປ່າໄຫຼສຸ ເຮັດໃຫ້ເຮືອນຂອງປະຊາຊົນຢູ່ ເມືອງ ປາກແຊງ, ແຂວງ ຫລວງພະບາງ

ວັນທີ 15 ສີງຫາ 2022 ນີ້ ໄດ້ເກີດມີນ້ຳປ່າໄຫຼສຸຢູ່ ບ້ານ ສະຄີງ ແລະ ບ້ານ ນາໂພ, ເມືອງ ປາກແຊງ, ແຂວງ ຫລວງພະບາງ ເຮັດໃຫ້ເຮືອນຂອງປະຊາຊົນ ຢູ່ຢູ່ແຄມຕາຝັ່ງໄດ້ຮັບຄວາມເສຍຫາຍໜັກ 2 ຫຼັງ ແລະເສຍຫາຍເລັກນ້ອຍອີກຈຳນວນໜື່ງ ສ່ວນພື້ນທີ່ນາແມ່ນໄດ້ຮັບຄວາມເສຍຫາຍບາງສ່ວນ. ທ່ານ ສຸກດາວັນ ພັນຈັກຂັນ ເຈົ້າເມືອງປາກແຊງໄດ້ໃຫ້ສຳພາດວ່າ: ເນື່ອງຈາກສະພາບຝົນຕົກໜັກ ຕິດຕໍ່ກັນຫຼາຍຊົ່ວໂມງ ແລະຫຼາຍວັນ ຈື່ງເຮັດໃຫ້ນ້ຳຫ້ວຍໂພ ແລະຫ້ວຍສະຄີງ ເກີດມີນ້ຳປ່າໄຫຼສຸເອົາຂອນໄມ້ມາຕັນທໍ່ລະບາຍນ້ຳລອດທາງ ຈົນເກີດມີນ້ຳໄຫຼຖ້ວມເຮືອນຂອງປະຊາຊົນ ແລະພື້ນທີ່ທຳການຜະລິດເສຍຫາຍຈຳນວນໜື່ງ ຮ້າຍແຮງແມ່ນມີເຮືອນຂອງປະຊາຊົນຢູ່ບ້ານສະຄີງ 1 ຫຼັງ ແລະບ້ານນາໂພ 1 ຫຼັງ ໄດ້ຮັບຄວາມເສຍຫາຍໜັກ, ພາຍຫຼັງໄດ້ຮັບແຈ້ງເຫດການ ການນຳຂອງເມືອງ ໄດ້ສົ່ງກຳລັງທະຫານ-ຕໍ່າຫຼວດ ລົງຊ່ວຍປະຊາຊົນເປັນການດ່ວນ ເຊີ່ງສາມາດຍົກຍ້າຍເຄື່ອງໃຊ້ອອກຈາກເຮືອນທີ່ໄດ້ຮັບຜົນກະທົບໜັກ ທັງໄດ້ຊ່ວຍປະຊາຊົນອະນາໄມເຮືອນທີ່ຖືກຜົນກະທົບ ພາຍຫຼັງລະດັບນ້ຳເປັນປົກກະຕິ, ພ້ອມນີ້ ໄດ້ນຳໃຊ້ເງີນແຮສຸກເສີນວຽກງານໄພພິບັດຂອງເມືອງ ເພື່ອຊ່ວຍເຫຼືອປະຊາຊົນທີ່ຖືກຜົນກະທົບໃນເບື້ອງຕົ້ນ.

ສ່ວນແຜນການຝື້ນຟູໄລຍະຍາວ ທ່ານເຈົ້າເມືອງປາກແຊງໃຫ້ຮູ້ວ່າ: ຈະສືບຕໍ່ປຸກລະດົມທຸກພາກສ່ວນ ເຂົ້າຊ່ວຍເຫຼືອປະຊາຊົນໃຫ້ໄດ້ທຳການຜະລິດໃນລະດູແລ້ງ ເພື່ອທົດແທນຄວາມເສຍຫາຍໃນລະດູຝົນ, ທັງຈະວາງແຜນສ້ອມແປງເສັ້ນທາງຈຸດທີ່ເປ່ເພ ໃຫ້ສາມາດສັນຈອນໄດ້ສະດວກຕາມປົກກະຕິ.

ແຫຼ່ງຂໍ້ມູນ: Lao National Radio

The teams made up of mostly junior and senior students from high schools. Hold the pipe in pipe vice cut the pipe to different lengths required with pipe cutter or hacksaw Hold the pipes one by one in pipe vice in position, adjust. This topic has 13 replies, 3 voices, and was last updated 1 year, 1 month ago by.
error: Content is protected !!