ດ່ານສາກົນ ແຂວງ ສະຫວັນນະເຂດ ເປີດນຳໃຊ້ລະບົບແຈ້ງເຕືອນແຈ້ງພາສີປະຕູດຽວແຫ່ງຊາດ

ໂດຍຕິດພັນກັບວາລະແຫ່ງຊາດ ວ່າດ້ວຍການແກ້ໄຂບັນຫາ ຄວາມຫຍຸ້ງຍາກທາງດ້ານເສດຖະກິດ-ການເງິນ, ອີກຢ່າງໜຶ່ງ ກໍເພື່ອເປັນການອຳນວຍຄວາມ ສະດວກ ໃຫ້ແກ່ຜູ້ດຳເນີນທຸລະກິດນຳເຂົ້າ-ສົ່ງອອກ ໃນການແຈ້ງພາສີໃຫ້ມີຄວາມໂປ່ງໃສ. ດັ່ງນັ້ນ ມາໃນວັນທີ 19 ກໍລະກົດ 2022 ຢູ່ທີ່ດ່ານສາກົນຂົວມິດຕະພາບ II ແຂວງ ສະຫວັນນະເຂດ, ກົມພາສີກະຊວງການເງິນ, ໄດ້ຈັດພິທີເປີດນຳໃຊ້ລະບົບແຈ້ງພາສີປະ ຕູດຽວແຫ່ງຊາດຂຶ້ນຢ່າງເປັນ ທາງການ, ໂດຍການເປັນກຽດເຂົ້າຮ່ວມເປັນປະທານຂອງ ທ່ານ ສາຍມະໂນລິນ ສິນບັນດິດ ຮອງຫົວໜ້າກົມພາສີກະຊວງການເງິນ, ຈາກນັ້ນ ກໍມີບັນດາແຂກຈາກພາກສ່ວນທີ່ກ່ຽວຂ້ອງເປັນຕົ້ນ: ຫົວໜ້າຄະນະດ່ານສາກົນຂົວມິດຕະພາບ II, ຄະນະພະແນກການເງິນ, ບັນດາຂະແໜງການອ້ອມຂ້າງພະແນກການເງິນ ແລະ ພາກສ່ວນຕ່າງໆ ເຂົ້າຮ່ວມ.

ທ່ານ ບົວສອນ ໄຊຍະສຸກ ຮອງຫົວໜ້າພະແນກນິຕິກຳ, ກົມພາສີ ໄດ້ຜ່ານແຈ້ງການຂອງ ກະຊວງການເງິນສະບັບເລກທີ 1885/ຫກ, ລົງວັນທີ 18 ກໍລະກົດ 2022 ກ່ຽວກັບການນຳໃຊ້ລະ ບົບແຈ້ງພາສີປະຕູດຽວທີ່ດ່ານສາ ກົນແຂວງສະຫວັນນະເຂດຄື: ດ່ານສາກົນຂົວມິດຕະພາບ II, ດ່ານສາກົນແດນສະຫວັນ ແລະ ດ່ານສາກົນປະຈຳເຂດເສດຖະກິດພິເສດສະຫວັນນະເຂດ (ທ່າບົກ) ໃຫ້ພ້ອມກັນຈັດຕັ້ງປະຕິບັດດັ່ງນີ້: ໃຫ້ຜູ້ປະກອບການນຳເຂົ້າ-ສົ່ງ ອອກທຸກໆປະເພດສິນຄ້າ, ເຄື່ອງ ຂອງ, ຊຳລະຄ່າພາສີ, ອາກອນ ແລະພັນທະອື່ນໆ ພ້ອມທັງຄ່າທຳນຽມ ແລະຄ່າບໍລິການຂອງຂະແໜງການທີ່ກ່ຽວຂ້ອງແບບລວມສູນ ຜ່ານໜ່ວຍບໍລິການ ຫຼື ລະບົບເອເລັກໂຕຣນິກຂອງທະນາຄານການຄ້າຕ່າງປະເທດ ລາວມະຫາຊົນ ແລະທະນາຄານ ພັດທະນາລາວຈຳກັດ ເຊັ່ນ: ລະບົບ Smart tax, i-Banking, BCEL One Corportate Banking, ເງິນໂອນ ແລະເງິນແຊັກຕາມລະ ບຽບການທີ່ກ່ຽວຂ້ອງ, ໃຫ້ບໍລິສັດຮ່ວມພັດທະນາບົບແຈ້ງພາສີປະຕູດຽວແຫ່ງຊາດ ຈັດເກັບຄ່າ ບໍລິການນຳໃຊ້ລະບົບດັ່ງກ່າວໃນ ອັດຕາ 120.000 ກີບ ຕໍ່ການແຈ້ງ ພາສີເປັນລາຍລະອຽດ 1 ຊຸດ, ຕາມທີ່ໄດ້ກຳນົດໄວ້ໃນສັນຍາສຳ ປະທານໂຄງການ ເຊິ່ງບໍ່ລວມເອົາ ຄ່າພາສີ, ອາກອນ, ຄ່າທຳນຽມ ແລະຄ່າບໍລິການຂອງຂະແໜງ ການທີ່ກຽວຂ້ອງ, ສຳລັບຜູ້ປະ ກອບການທີ່ຍັງບໍ່ທັນໄດ້ລົງທະ ບຽນ ແລະຝຶກອົບຮົມການນຳໃຊ້ລະບົບແຈ້ງພາສີປະຕູດຽວແຫ່ງ ຊາດນັ້ນໃຫ້ຮີບຮ້ອນດຳເນີນຂັ້ນຕອນການລົງທະບຽນ, ອອກລະ ຫັດຜູ້ນຳໃຊ້ໂດຍດ່ວນກ່ອນວັນທີ 15 ກໍລະກົດ 2022, ເລີ່ມແຕ່ວັນທີ 19 ກໍລະກົດ 2022 ເປັນຕົ້ນໄປ, ການນຳເຂົ້າ-ສົ່ງອອກ ທຸກປະເພດສິນຄ້າ ແລະ ທຸກບໍລິສັດ ( ລວມ ທັງສິນຄ້າຍົກເວັ້ນພາສີ ຫຼື ງົດເກັບ ພາສີ ) ທີ່ຜ່ານດ່ານສາກົນຂອງ ແຂວງ ສະຫວັນນະເຂດ ຕ້ອງດຳເນີນແຈ້ງພາສີເປັນລາຍລະອຽດ ຜ່ານລະບົບແຈ້ງພາສີປະຕູດຽວແຫ່ງຊາດທັງໝົດ. ມອບໃຫ້ກົມພາ ສີ, ພາສີປະຈຳ ແຂວງ ສະຫວັນນະເຂດ, ດ່ານສາກົນທຸກແຫ່ງຂອງ ແຂວງ ສະຫວັນນະເຂດ, ທະນາ ຄານການຄ້າຕ່າງປະເທດລາວມະຫາຊົນ, ທະນາຄານພັດທະນາລາວຈຳກັດ, ບໍລິສັດນຳເຂົ້າທຸກໆ ປະເພດສິນຄ້າ, ພາກສ່ວນທີ່ກ່ຽວຂ້ອງ ຈົ່ງພ້ອມກັນຈັດຕັ້ງປະຕິບັດ ໃຫ້ສຳເລັດຕາມລະດັບຄາດໝາຍ.

ຈາກນັ້ນ, ທ່ານ ສະເຕຟານ ກົວ ຜູ້ອຳນວຍການບໍລິສັດຮ່ວມພັດທະນາລະບົບແຈ້ງພາສີປະຕູດຽວ ກໍໄດ້ຂຶ້ນອະທິບາຍກ່ຽວກັບເທັກນິກການນຳໃຊ້ລະບົບການແຈ້ງພາສີປະຕູດຽວ, ທັງນີ້ ກໍເພື່ອໃຫ້ທຸກພາກສ່ວນ ໄດ້ເຂົ້າໃຈ ແລະ ຈັດຕັ້ງປະຕິບັດໃຫ້ເກີດດອກອອກຜົນ. ຕໍ່ຈາກນັ້ນ, ບັນດາຜູ້ເຂົ້າຮ່ວມ ກໍໄດ້ລົງເບິ່ງການສາທິດການນຳໃຊ້ຕົວຈິງຢູ່ດ່ານພາສີຂົວມິດຕະພາບ II ຕື່ມອີກ.

ຂໍ້ມູນຂ່າວ:ສະຫວັນພັດທະນາ

ຮູບຈາກ: Lao National Single Window

At this point, we need to have a look a process called photolithography : light is passed through something called a photomaskwhich blocks light in some areas and lets it through in others. In October, some 10 riders of 45 different nationalities race each other for four days, cheered on by 70 people. Menikmati sebuah bangunan dengan tinggi sekitar 70 meter ini bisa memberikan rasa senang, karena memang Wat Arun terkenal dengan sebutan "Temple of Dawn", kuil atau candi yang indah saat terbenam matahari.