ຕາມການລາຍງານຂອງ ທ່ານ ຂັນຕີ ສີລະວົງສາ ຮອງເຈົ້າແຂວງເຊກອງ ຕໍ່ກອງປະຊຸມຄົບຄະນະບໍລິຫານງານເປີດກວ້າງ ຄັ້ງທີ 7 ສະໄໝທີ X ທີ່ເປີດຂຶ້ນເມື່ອບໍ່ດົນມານີ້ວ່າ: ໃນປີ 2022 ແຂວງເຊກອງຕັ້ງເປົ້າໝາຍການພັດທະນາເສດຖະກິດ-ສັງຄົມ ໃຫ້ຂະຫຍາຍຕົວເພີ່ມຂຶ້ນໃນລະດັບ 4% ລວມຍອດຜະລິດຕະພັນພາຍໃນ (GDP) ບັນລຸໄດ້ 2,285 ຕື້ກີບ ແລະ ມູນຄ່າ (GDP) ສະເລ່ຍໃສ່ປະຊາກອນປະມານ 22.88 ລ້ານກີບຕໍ່ຄົນຕໍ່ປີ. ຜ່ານການປະຕິບັດໃນ 6 ເດືອນຕົ້ນປີເຫັນວ່າ ການຜະລິດຂອງຂະແໜງກະສິກໍາ-ປ່າໄມ້ ມີການເຕີບໂຕ ແລະ ຂະແໜງອຸດສາຫະກໍາໄດ້ຮັບການພັດທະນາດີຂຶ້ນເປັນກ້າວໆ.
ທ່ານຮອງເຈົ້າແຂວງ ກ່າວວ່າ: ແຜນພັດທະນາເດຖະກິດ-ສັງຄົມ ໃນປີ 2022 ແມ່ນເປັນການສືບຕໍ່ຜັນຂະຫຍາຍມະຕິ XI ຂອງພັກ, ມະຕິ X ຂອງອົງຄະນະພັກແຂວງ ແລະ ແຜນພັດທະນາເສດຖະກິດ-ສັງຄົມ 5 ປີຄັ້ງທີ IX ກໍຄືວຽກງານຫັນລົງກໍ່ສ້າງຮາກຖານການເມືອງ ແລະ ພັດທະນາຊົນນະບົດຮອບດ້ານ ຕາມທິດ 3 ສ້າງ ໂດຍຈຸດໝາຍລວມຂອງແຜນພັດທະນາໃນແຕ່ລະດ້ານ ແມ່ນຮັບປະກັນເຮັດໃຫ້ແຂວງເຊກອງສືບຕໍ່ມີສະຖຽນລະພາບທາງດ້ານການເມືອງໜັກແໜ້ນ; ສັງຄົມມີຄວາມສະຫງົບ ແລະ ເປັນລະບຽບຮຽບຮ້ອຍໂດຍພື້ນຖານ, ປະຊາຊົນມີຄວາມສາມັກຄີປອງດອງ, ເສດຖະກິດ-ສັງຄົມ ແລະ ຊີວິດການເປັນຢູ່ຂອງປະຊາຊົນໄດ້ຮັບການພັດທະນາ ແລະ ມີຄຸນນະພາບດີຂຶ້ນຕໍ່ເນື່ອງ; ການສ້າງບ້ານ ແລະ ກຸ່ມບ້ານພັດທະນາ ຕາມ 4 ເນື້ອໃນ 4 ຄາດໝາຍ ແລະ ການສ້າງບ້ານໃຫຍ່ໃຫ້ກາຍເປັນຕົວເມືອງນ້ອຍຢູ່ຊົນນະບົດໃຫ້ບັນລຸຕາມເປົ້າໝາຍແຜນການທີ່ກໍານົດໄວ້.
ທ່ານຮອງເຈົ້າແຂວງເຊກອງ ກ່າວຕື່ມອີກວ່າ: ເພື່ອບັນລຸຄາດໝາຍຕ່າງໆທີ່ວາງໄວ້ນັ້ນ ຮຽກຮ້ອງມາຍັງຄະນະພັກ-ຄະນະນໍາຂັ້ນແຂວງ, ເມືອງ ແລະ ຮາກຖານບ້ານ ຕ້ອງສືບຕໍ່ການສຶກສາອົບ¬ຮົມການເມືອງແນວຄິດໃຫ້ແກ່ພະ¬ນັກ¬ງານ, ສະມາຊິກພັກ ແລະ ປະຊາຊົນຢ່າງເປັນປົກກະຕິຕໍ່ເນື່ອງ ເພື່ອໃຫ້ມີຄວາມເປັນເອກະພາບໃນແນວທາງການປະຕິບັດ. ພ້ອມນີ້ ກໍຕ້ອງອອກ¬ແຮງຜັນຂະ¬ຫຍາຍມະ¬ຕິ XI ຂອງພັກ, ມະຕິ X ຂອງອົງຄະນະພັກແຂວງ ແລະ ບັນດາຄາດໝາຍ, ແຜນງານ, ໂຄງການທີ່ກໍານົດໄວ້ໃນແຜນພັດທະນາເສດຖະກິດ-ສັງຄົມ 6 ເດືອນທ້າຍປີ 2022 ຂອງແຂວງ ເຂົ້າໃນວຽກງານຕ່າງໆຂອງຕົນຢ່າງລະອຽດ, ມີຈຸດສຸມ, ສອດຄ່ອງກັບແຜນຄົນ, ແຜນເງິນ ແລະ ມາດຕະການປະຕິບັດ; ສືບຕໍ່ຊຸກຍູ້ຕິດຕາມ ແລະ ກວດກາການປະ¬ຕິ¬ບັດໂຄງການລົງ¬ທຶນຂອງລັດ, ດຶງດູດການລົງ¬ທຶນຂອງເອ¬ກະຊົນພາຍໃນ ແລະ ຕ່າງປະເທດ ໃຫ້ເປັນໄປຕາມຄາດ¬ໝາຍແຜນ¬ການທີ່ວາງໄວ້, ທັງນີ້ ກໍເພື່ອຫັນເອົາແຫຼ່ງທຶນດັ່ງ¬ກ່າວ ເຂົ້າໃສ່ການພັດທະນາພື້ນຖານໂຄງລ່າງ ແລະ ສົ່ງເສີມປະຊາຊົນຜະ¬ລິດກະສິກໍາເປັນສິນຄ້າໃຫ້ຂະຫຍາຍ ຕົວຢ່າງກວ້າງຂວາງ ແລະ ແຂງແຮງຂຶ້ນກວ່າເກົ່າ.
ຂໍ້ມູນຂ່າວ-ພາບ: ສັນຍາ
