ໃນເດືອນມິຖຸນາ ປີ 2022, ດັດຊະນີລາຄາຜູ້ບໍລິໂພກທີ່ນຳເຂົ້າໄດ້ເພີ່ມຂຶ້ນ 14.5% ເມື່ອທຽບໃສ່ເດືອນຕໍ່ເດືອນ ແລະ ເພີ່ມ 41.2% ເມື່ອທຽບໃສ່ໄລຍະດຽວກັນຂອງປີກາຍນີ້, ຂະນະດຽວກັນ ລາຄາສິນຄ້າທີ່ຜະລິດຢູ່ພາຍໃນປະເທດເພີ່ມຂຶ້ນ 15.9% ເມື່ອທຽບໃສ່ໄລຍະຜ່ານມາປີ. ອັດຕາເງິນເຟີ້ໄດ້ບັນລຸເຖິງ 23.6% ເຊິ່ງເປັນຕົວເລກທີ່ສູງທີ່ສຸດ ນັບແຕ່ເດືອນພຶດສະພາ ປີ 2000.
ການເພີ່ມຂຶ້ນຂອງລາຄາສິນຄ້ານໍາເຂົ້າແມ່ນຕິດພັນກັບ ການອ່ອນຄ່າຂອງເງິນກີບ, ຍ້ອນສ່ວນໃຫຍ່ທຸລະກິດແມ່ນຂາຍສິນຄ້າເປັນສະກຸນເງິນຕາຕ່າງປະເທດ ເຊັ່ນ ເງິນບາດ ແລະ ເງິນໂດລາສະຫະລັດ.
ລາຄານໍ້າມັນ (ແມ່ນເພີ່ມຂື້ນຕາມອັດຕາເງິນເຟີ້) ເພີ່ມຂຶ້ນ 107.1 ເປີເຊັນຕໍ່ປີ, ຕໍ່ມາແມ່ນ ເຫຼັກກ້າ (ເພີ່ມຂຶ້ນ 91.9 ເປີເຊັນຕໍ່ປີ), ນໍ້າມັນເຊື້ອໄຟ (69.4 ເປີເຊັນ), ເຄື່ອງປະດັບ ຄຳ (68.7 ເປີເຊັນ), ນົມ ເນີຍແຂງ ແລະ ໄຂ່ (40.5 ເປີເຊັນ), ແລະຜະລິດຕະພັນເຂົ້າຈີ່ ແລະ ແປ້ງ (36.1 ເປີເຊັນ).
ລາຄາຂອງອາຫານ ແລະ ເຄື່ອງດື່ມ (ບໍ່ມີເຫຼົ້າ) ເພີ່ມຂຶ້ນ 8.6 ເປີເຊັນຕໍ່ເດືອນ ແລະ 16.9 ເປີເຊັນຕໍ່ປີ.
ການເພີ່ມຂຶ້ນຂອງລາຄາໃນປະເພດນີ້ແມ່ນ ຍ້ອນຄ່າໃຊ້ຈ່າຍຂອງນ້ຳມັນ ເຄື່ອງປຸງແຕ່ງອາຫານ, ໝາກໄມ້ ແລະ ຊີ້ນ ທີ່ເພີ່ມຂຶ້ນຈຶ່ງເຮັດໃຫ້ ລາຄາອາຫານເພີ່ມຂຶ້ນ. ລາຄາສິນຄ້າໃນລາວບໍ່ມີສັນຍານຫຼຸດລົງ, ເຖິງວ່າລັດຖະບານຈະພະຍາຍາມຊຸກຍູ້ການຜະລິດພາຍໃນປະເທດຢ່າງເຂັ້ມງວດ ແລະ ມີການຄວບຄຸມອັດຕາແລກປ່ຽນແລ້ວກໍຕາມ.
ສິ່ງທ້າທາຍຕົ້ນຕໍ ທີ່ຜູ້ເຮັດທຸລະກິດໃນລາວປະເຊີນກັບແມ່ນຕົ້ນທຶນການຜະລິດທີ່ເພີ່ມຂຶ້ນ, ອຸປະກອນ ເຊັ່ນ ລົດໄຖນາ, ຝຸ່ນ ແລະ ອາຫານສັດທັງໝົດຕ້ອງນໍາເຂົ້າຈາກປະເທດ ໄທ.
ສິ່ງທ້າທາຍອີກອັນໜຶ່ງ ຂອງປະເທດລາວ ກໍຄືອັດຕາເງິນເຟີ້ໄດ້ເພີ່ມຂຶ້ນ ສູງກວ່າອັດຕາຄາດຄະເນຂອງຜະລິດຕະພັນລວມພາຍໃນ (GDP).
ລັດຖະບານ ລາວ ກໍາລັງເຮັດວຽກ ທີ່ຈະນໍາເອົາ ນັກລົງທຶນ ແລະ ນັກທ່ອງທ່ຽວ ເຂົ້າມາລາວຫຼາຍຂຶ້ນ, ພ້ອມກັບ ເງິນຕາຕ່າງປະເທດ ເຂົ້າມາປະເທດໃຫ້ຫຼາຍຂຶ້ນ ເພື່ອຈະຊ່ວຍເຮັດໃຫ້ມູນຄ່າຂອງເງິນກີບມີສະຖຽນລະພາບຫຼາຍຂຶ້ນ.
ຂໍ້ມູນຈາກ: ວຽງຈັນທາຍ
