ການປະສິ່ງຂອງບາງຢ່າງທີ່ໄວໄຟ ໄວ້ໃນລົດ ບໍ່ແມ່ນເລື່ອງດີເດີ ເປັນຕົ້ນແມ່ນ 5 ຢ່າງຕໍ່ໄປນີ້.
– ກັບໄຟ: ຖ້າຫາກຖືກແສງແດດກະທົບ ເປັນເວລາດົນ ຈະເຮັດໃຫ້ເກີດການລະເບີດ ທີ່ອາດສົ່ງຜົນໃຫ້ແວ່ນລົດແຕກໄດ້, ຖ້າຫາກວາງໄວ້ເທິງຄອນໂຊນລົດ ກໍຈະສ່ຽງຕໍ່ການເກີດໄຟໄໝ້.
– ກະປ໋ອງສະເປ: ເມື່ອຖືກຄວາມຮ້ອນ ຈະເຮັດໃຫ້ວັດຖຸສານເຄມີ ແລະ ແກ໊ດໃນກະປ໋ອງ ຂະຫຍາຍຕົວ ຈຶ່ງອາດເກີດປະກາຍໄຟ ຫຼື ລະເບີດໄດ້.
– ແບັດເຕີລີ່ສຳຮອງ: ສານລິຕຽນ ໃນ ແບດເຕີລີ່ສຳຮອງ ເປັນໂລຫະທີ່ໄວຕໍ່ປະຕິກິລິຢາ ທາງເຄມີ, ເມື່ອໄດ້ຮັບຄວາມຮ້ອນ ອາດເຮັດໃຫ້ເກີດການລັດວົງຈອນ ສົ່ງຜົນໃຫ້ເກີດການລະເບີດໄດ້.
– ໂທລະສັບມືຖື: ຄວາມຮ້ອນເຮັດໃຫ້ ວົງຈອນພາຍໃນໂທລະສັບ ໄດ້ຮັບຄວາມເສຍຫາຍ ແລະ ແບັດເຕີລີ່ໂທລະສັບ ເກີດການລະເບີດ ໂດຍສະພາະ ຖ້າຫາກເປີດໃຊ້ວຽກ ຈະເຮັດໃຫ້ຄວາມຮ້ອນສູງຂຶ້ນ ຈຶ່ງສ່ຽງຕໍ່ການລະເບີດ.
– ນຳ້ແຂງແຫ້ງ (Dry ice): ເມື່ອນຳ້ແຂງແຫ້ງລະເຫີຍ ຈະກາຍເປັນ ກ໊າຊຄາບອນໄດອອກໄຊ ເຮັດໃຫ້ຜູ້ທີ່ຢູ່ໃນລົດ ໝົດສະຕິ. ເພື່ອຄວາມປອດໄພ ຄວນເກັບໄວ້ໃນພາຊະນະ ທີ່ມີຊ່ອງລະບາຍອາກາດ ແຍກຈາກຫ້ອງໂດຍສານ, ຖ້າເກັບໃນຫ້ອງໂດຍສານຄວນເປີດແວ່ນລົດ ເພື່ອລະບາຍອາກາດອອກສູ່ພາຍນອກ.
