ຕາມຂ່າວຈາກ ໂກລົມໂບ,ວັນທີ 10 ກໍລະກົດ ນີ້, ທ່ານ Kotabaya Rajapaksa, ປະທານາທິບໍດີ ແລະ ທ່ານ RanilVikram Singh, ນາຍົກ ລັດຖະມົນຕີ ຂອງ ສີລັງກາ ໄດ້ຕັດສິນໃຈລາອອກຫລັງຈາກປະເທດ ເກີດຄວາມ ວຸ້ນວາຍ ຫລາຍທີ່ສຸດ ນັບຕັ້ງແຕ່ມີການປະທ້ວງຕໍ່ຕ້ານລັດຖະບານ ເປັນເວລາຫລາຍເດືອນຜ່ານມາ ເມື່ອກຸ່ມ ຜູ້ປະທ້ວງ ໄດ້ບຸກເຂົ້າໄປ ໃນເຮືອນ ຂອງຜູ້ນຳ ທັງ 2 ທ່ານ ຈາກນັ້ນ ບັນດາ ຜູ້ນໍາ ໃນສະພາໄດ້ຈັດກອງປະຊຸມສຸກເສີນ ແລະ ມີມະຕິຂໍໃຫ້ລາອອກ ດັ່ງນັ້ນ ປະທານາທິບໍດີ ພ້ອມດ້ວຍຄະນະຕົກລົງຈະລາອອກ ໃນວັນທີ 13 ກໍລະກົດນີ້ ເພື່ອສົ່ງມອບອຳນາດຄືນໃຫ້ແກ່ປະຊາຊົນນຳໄປສູ່ຂະບວນການເລຶອກຜູ້ນຳ ຄົນໃໝ່ ໃນໄວໆນີ້.
ຮຽບຮຽງຂ່າວໂດຍ: ສະໄຫວ ລາດປາກດີ