ສຳນັກຂ່າວ BBC, ວັນທີ 21 ເມສາ ນີ້, ມຽນມາ ພວມຜະເຊີນກັບ ສະພາບການຂາດແຄນນ້ຳມັນເຊື້ອໄຟ ຮຸນແຮງ ພາຍຫລັງລັດຖະບານ ມຽນມາ ໄດ້ປະກາດ ໃຫ້ປ້ຳນ້ຳມັນເຊື້ອໄຟ ທົ່ວປະເທດຈຳກັດ ປະລິມານ ການຈຳໜ່າຍ ນ້ໍາມັນ ໃຫ້ປະຊາຊົນ ບໍ່ເກີນ 30,000 ຈາດຕໍ່ຄົນ ເປັນສ່ວນໜຶ່ງໃນມາດຕະການຂອງລັດຖະບານ ໃນການຄຸ້ມຄອງ ນ້ຳມັນເຊື້ອໄຟ ສົ່ງຜົນໃຫ້ ປະຊາຊົນຈຳນວນຫລາຍໄປຕໍ່ແຖວໃສ່ນ້ຳມັນ ໂດຍສະເພາະນະຄອນຢ່າງກຸ້ງ ເມືອງມະລະແໜ່ງ (Mawlamyine) ຜະເຊີນບັນຫາຂາດແຄນນ້ຳມັນຈົນເຮັດໃຫ້ ລົດໂດຍສານຈຳນວນຫລາຍ ເລີ່ມຢຸດໃຫ້ບໍລິການ ຊົ່ວຄາວເພາະນ້ຳມັນ ບໍ່ພຽງພໍ ອີກທັງສິນຄ້າປະເພດຕ່າງໆ ປັບຂຶ້ນລາຄາເຊັ່ນກັນ.
