ຫຼາຍຄົນອາດຍັງຈື່ໄດ້ ເຫດການທີ່ມືປືນຂີ່ລົດຈັກຄຣີກໄອ ໄລ່ຍິງຊາວ ຈີນ ຂີ່ກໍາລັງຂີ່ລົດຈັກຟີໂນ ໄປຕາມເສັ້ນທາງປະຕູໄຊ ຫາ ໄຟແດງສີດຳດວນ ບ້ານ ສີບຸນເຮືອງ, ເມືອງ ຈັນທະບູລີ, ນະຄອນຫຼວງ ວຽງຈັນ ໃນຄໍ່າຄືນ ຂອງວັນທີ 1 ກັນຍາ 2021 ທີ່ຜ່ານມາ ເຮັດໃຫ້ຜູ້ຖືກເຄາະຮ້າຍບາດເຈັບສາຫັດ ແລະ ຜູ້ກໍ່ເຫດເອົາຕົວຫຼົບໜີ.
ພັອ ແກ່ນຈັນ ພົມມະຈັກ ຮອງຫົວໜ້າກົມໃຫຍ່ຕໍາຫຼວດ ຫົວໜ້າກົມຕໍາຫຼວດສືບສວນ-ສອບສວນ ຖະແຫຼງຂ່າວກ່ຽວກັບເຫດການດັ່ງກ່າວໃນວັນທີ 8 ມິຖຸນາ 2022 ວ່າ: ໃນວັນທີ 1 ກັນຍາ 2021 ປີຜ່ານມາ ເວລາ 20:40 ໂມງ ໄດ້ມີຄົນຮ້າຍຈຳນວນຫນຶ່ງ ໄດ້ຂີ່ລົດຈັກຄຼີກໄອ ປະຄົບລົດຈັກຟີໂນ ແລະ ໃຊ້ປືນຍິງ ທ້າວ ຫຼິວລີ້ຊວນ ສັນຊາດ ຈີນຢູ່ເສັ້ນທາງປະຕູໄຊ ຫາໄຟແດງສີດຳດວນ ເມືອງຈັນທະບູລີ ເຮັດໃຫ້ໄດ້ຮັບບາດເຈັບສາຫັດ; ຈາກນັ້ນ ຖືກນຳຕົວສົ່ງໂຮງຫມໍ ໄດ້ຮັບການປິ່ນປົວຈົນປອດໄພໃນເວລາຕໍ່ມາ.
ຫຼັງຈາກເກີດເຫດ ເຈົ້າໜ້າທີ່ໄດ້ລົງຊັນນະສູດສະຖານທີ່ເກີດເຫດ, ເອົາຄໍາໃຫ້ການພະຍານ, ຜູ້ເຫັນເຫດການ ແລະ ສາມາດຂຶ້ນເປົ້າໝາຍກະທຳຜິດໄດ້ຈຳນວນໜຶ່ງ.
ມາຮອດວັນທີ 9 ກັນຍາ 2021, ເຈົ້າໜ້າທີ່ສາມາດຈັບຕົວ ຜູ້ວ່າຈ້າງ ຫຼື ຫົວໂປ່ໂຕການ ແມ່ນ ທ້າວ ຕີ່ຕີ່ ຢູ່ນະຄອນຫຼວງວຽງຈັນ ເຊິ່ງຜູ້ກ່ຽວໄດ້ຈ້າງມືປືນ 3 ຄົນ ໃຫ້ໄປຄາດຕະກຳ ທ້າວ ທ້າວ ຫຼິວລີ້ຊວນ ແລະ ຕໍ່ມາເຈົ້າໜ້າທີ່ສາມາດຕິດຕາມຈັບຕົວຜູ້ກໍ່ເຫດໄດ້ 2 ຄົນ, ສ່ວນຜູ້ລົງມືກໍ່ເຫດຍິງແມ່ນເອົາຕົວລົບໜີ ເຈົ້າໜ້າທີ່ກໍາລັງເລັ່ງຕິດຕາມຈັບຕົວ, ປັດຈຸບັນ ຈົ້າໜ້າທີ່ຈັບຕົວຜູ້ກ່ຽວຂ້ອງໄດ້ແລ້ວລວມ 3 ຄົນ.
ຜ່ານການສືບສວນ-ສອບສວນ ຈຶ່ງຮູ້ວ່າ ແຮງຈູງໃຈໃນການຄາດຕະກໍາ ທ້າວ ຫຼິວລີ້ຊວນ ໃນຄັ້ງນັ້ນແມ່ນເພື່ອຫວັງປິດໜີ້ໃຫ້ແກ່ທ້າວ ຕີ່ຕີ່ ( ລູກຫນີ້ ) ເພາະໃນໄລຍະຜ່ານມາຜູ້ກ່ຽວໄດ້ຢືມເງິນນຳທ້າວ ຫຼິວລີ້ຊວນ ຈຳນວນເງິນຫຼາຍແສນໂດລາ. ມາຮອດປັດຈຸບັນ, ເຈົ້າໜ້າທີ່ໄດ້ສະຫຼຸບສຳນວນຄະດີ ສົ່ງໃຫ້ອົງການໄອຍະການ ປະຊາຊົນ ນະຄອນຫຼວງ ວຽງຈັນ ຟ້ອງສານຕັດສິນຕາມລະບຽບກົດໝາຍ.
ພາບ-ຂໍ້ມູນຂ່າວ: ໜັງສືພິມຄວາມສະຫງົບ.
The Modern Library Edition is, of course, a greatly abridged version of the six-volume original. And while LANs are an important form of Internet access, this raises the question of how and at what data rate the LAN itself is connected to the rest of the global Internet. We make riding to Hokkaido Baby easy, which is why over million users, including users in Jakarta Pusat, trust Moovit as the best app for public transit.