ອີງຕາມຂໍ້ມູນຈາກ ທະນາຄານໂລກ (World Bank), ວັນທີ 19 ເມສານີ້ ວ່າ, ທ່ານ ເດວິດ ມັລພາສ (David Malpass) ປະທານ ທະນາຄານໂລກ (World Bank) ປະກາດ ປັບຕົວເລກການຂະຫຍາຍຕົວ ທາງເສດຖະກິດໂລກ ໃນປີນີ້ ສູ່ລະດັບ 3.2% ຈາກຄາດການໄວ້ກ່ອນໜ້ານີ້ 4.1% ເນື່ອງຈາກໄດ້ຮັບຜົນກະທົບຈາກສະພາບການໂລກ ຍັງເຄັ່ງຮ້ອນ.
ນອກຈາກນີ້, ທະນາຄານໂລກ ມີແຜນຕັ້ງກອງທຶນວົງເງິນ 170 ຕື້ໂດລາ ສະຫະລັດ ໂດຍຈະປ່ອຍໃຫ້ກັບປະເທດ ທີ່ໄດ້ຮັບຜົນກະທົບຈາກສະພາບການດັ່ງກ່າວ ເປັນການປ່ອຍເງິນກູ້ໄລຍະເວລາ 15 ເດືອນ ໂດຍມີເປົ້າໝາຍ ປ່ອຍກູ້ 50 ຕື້ໂດລາສະຫະລັດ ໃນໄລຍະ 3 ເດືອນຕໍ່ໜ້າ.
