ຕາມການລາຍງານກູ່ມບໍລິສັດສື່ໂຄສະນາທ່ອງທ່ຽວແຖວຫນ້າສາກົນຂອງປະເທດອົດສະຕາລີມີຊື່ວ່າ“ Lonely Planet“ ໄດ້ເປີດເຜີຍລາຍຊື່ 30 ສະຖານທີ່ທີ່ຄວນໄປຢ້ຽມຢາມໃນປີ 2025, ເຊິ່ງ ສປປ.ລາວ ໄດ້ຮັບການຄັດເລືອກໃຫ້ເປັນໜຶ່ງໃນຈຸດໝາຍປາຍທາງທີ່ໜ້າສົນໃຈທີ່ສຸດ, ໂດຍສະເພາະຄວາມງົດງາມຂອງພູມສັນຖານທີ່ສີຂຽວອຸ່ມທຸ່ມ, ພູຜາປ່າດົງທີ່ມີອາກາດບໍລິສຸດ ແລະ ເມືອງບູຮານທີ່ງົດງາມ. ໃນນັ້ນ, ສປປ.ລາວ ຖືກຈັດໃຫ້ຢູ່ໃນອັນດັບທີ 4 ໃນໝວດປະເທດທີ່ຄວນໄປຢ້ຽມຢາມໃນປີ 2025
ຈຸດເດັ່ນສຳຄັນຂອງ ສປປ.ລາວ ແມ່ນເສັ້ນທາງລົດໄຟຄວາມໄວສູງທີ່ມີໄລຍະທາງ 1,000 ກິໂລແມັດ ເຊື່ອມໂຍງຈາກລາວໄປຍັງແຂວງຢຸນນານ, ປະເທດຈີນ, ເຮັດໃຫ້ນັກທ່ອງທ່ຽວສາມາດເດີນທາງສະດວກ ແລະ ຊົມທຳມະຊາດທີ່ສວຍງາມ ແລະ ວິຖີຊີວິດທ້ອງຖິ່ນທີ່ຍັງຄົງຄວາມເປັນເອກະລັກ.
ນອກຈາກ ສປປ.ລາວ ແລ້ວ ຍັງມີອີກຫຼາຍປະເທດທີ່ຕິດອັນດັບໃນປຶ້ມ Best In Travel 2025 ເຊິ່ງຈັດອັນດັບໂດຍຜູ້ຊ່ຽວຊານຂອງ Lonely Planet, ລວມທັງ ແຄເມຣູນ, ລິທົວເນຍ ແລະ ຟິຈິ ທີ່ໄດ້ຮັບການຍົກຍ້ອງໃນດ້ານການພັດທະນາທີ່ຍືນຍົງ ແລະ ການນຳສະເໜີປະສົບການທ່ອງທ່ຽວທີ່ບໍ່ຄືໃຜ.
ການຕິດອັນດັບຄັ້ງນີ້ ຖືເປັນໂອກາດສຳຄັນທີ່ຈະສະແດງໃຫ້ໂລກເຫັນເຖິງຄວາມສວຍງາມຂອງ ສປປ.ລາວ ເຊິ່ງຈະຊ່ວຍດຶງດູດນັກທ່ອງທ່ຽວຈາກທົ່ວໂລກໃຫ້ມາຢ້ຽມຢາມ ແລະ ສຳຜັດກັບມົນສະເໜ່ຂອງ ລາວເຮົາອີກດ້ວຍ.
ແຕ່ເຖິງແນວໃດກໍດີ ຜູ້ປະກອບການທຸລະກິດທ່ອງທ່ຽວ,ໂຮງແຮມ, ເຮືອນພັກ ແລະ ຮ້ານອາຫານຢືນຢືນວ່າບັນຍາກາດເປີດປີທ່ອງທ່ຽວປະຈໍາປີ 2024ອາດສ້າງປະຫວັດສາດຫນ້າໃຫມ່ສໍາລັບ ສປປ ລາວຍ້ອນວ່າແຕ່ລະມື້ມີນັກທ່ອງທ່ຽວເຂົ້າມາລາວຢ່າງຫລວງຫລາຍໂດຍສະເພາະເມືອງມໍລະດົກໂລກຫລວງພະບາງສະເລ່ຍ 10.000-20.000 ຄົນຕໍ່ມື້ ໃນນັ້ນນັກທ່ອງທ່ຽວຈີນຕິດອັນດັບທີ 1, ຮອງລົງມາຊາວເອີຣົບ-ອາເມລິກາ, ໄທ, ເກົາຫລີ ແລະ ຊາດອື່ນໆ.
ນາງ ຈັນຖະຫນອມ ແມ່ຄ້າຊາຍເຂົ້າປຽກບອກວ່າໄດ້ຂາຍເຂົ້າປຽກ-ຫມີ່ເຫລືອງ 100-200 ກິໂລຕໍ່ມື້ ປັດຈູບັນເຮັດຂາຍນໍາກໍບໍ່ທັນຍ້ອນນັກທ່ອງທ່ຽວຫລາຍໂພດໂດຍສະເພາະຊາວຈີນເຫັນວ່າມີຈໍານວນຫລາຍນັບແຕ່ເປີດໃຫ້ບໍລິການແລ່ນລົດໄຟຂ່າມຊາຍແດນລາວ-ຈີນ.ຈໍານວນຕົວເລກເພີ່ມຂຶ້ນຂອງນັກທ່ອງທ່ຽວຄັ້ງນີ້ເປັນທ່າອ່ຽງທີ່ດີສຸດຕໍ່ເສດຖະກິດລາວ.
ເຈົ້າຫນ້າທີ່ຮັບຜິດຊອບວຽກງານໃນຂະແຫນງທ່ອງທ່ຽວຈາກກະຊວງ ຖວທຄາດວ່າເປັນໄປໄດ້ຕົວເລກນັກທ່ອງທ່ຽວຈະເພີ່ມຂຶ້ນເຖິງ 4-5 ລ້ານປີນີ້ ຖ້າສະຖານະການເປັນແບບນີ້ຕໍ່ໄປ.