ໃນຕອນແລງຂອງວັນທີ27 ທັນວາ 2022 ເວລາປະມານ 18:30 ໂມງ ໄດ້ມີເຫດການຄາດກະກຳເກີດຂຶ້ນທີ່ບ້ານ ສວນສະຫວັນ ນະຄອນປາກເຊ ແຂວງ ຈຳປາສັກ ຜ່ານການລົງກວດກາສະຖານທີ່ເກີດເຫດ ຂອງເຈົ້າຫນ້າທີ່ວິຊາສະເພາະ ປກສ ນະຄອນປາກເຊ ແຂວງ ຈຳປາສັກ ແມ່ນພົບເຫັນຜູ້ເສຍຊີວິດ 02 ຄົນ ຢູ່ສານທີ່ເກີດເຫດ ຜູ້ ທີ1 ຊື່ນາງ ຄຳຟອງ (ຝົນ)ອາຍຸ 34 ປີ ສັນຊາດລາວ ເຊື້ອຊາດຫວຽດ( ພໍ່ຫວຽດແມ່ລາວ)ອາຊີບຄ້າຂາຍ ບ້ານຢູ່ສວນສະຫວັນ ນະຄອນປາກເຊ ແຂວງຈຳປາສັກ ຊື່ຜົວ ທ້າວ ສົມປະເສີດ ມະນີບົດ ອາຍຸ 58 ປີ ອາຊີບ ນັກທຸລະກິດ ບ້ານຢູ່ສວນສະຫວັນ ນະຄອນປາກເຊ ຜູ້ທີ 02 ເສຍຊີວິດ ຊື່ທ້າວ ປະສານສັກ ວິຊາເທບ ອາຍຸປະມານ 34 ປີ ອາຊີບ ພະນັກງານຕຳຫລວດ ຊັ້ນ ຮ.ທ ກົມກອງສັງກັດ ກອງພັນປ້ອງກັນເຄື່ອນທີ່ແຂວງ ຈຳປາສັກ ຕາມຂໍ້ມູນເບື້ອງຕົ້ນ ຜູ້ຕາຍມີການພົວພັນແບບຊູ້ສາວ ໃນຕອນເກີດເຫດ ທ້າວ ປະສານສັກ ຂີ່ລົດຈັກເຂົ້າມາຫານາງ ຄຳຟອງ ຢູ່ເຮືອນ ມີລັກສະນະເມົາແດ່ ພ້ອມມີປືນ AK ຕິດຕົວມານຳ ແລ້ວໄດ້ເຫັນນາງ ຄຳຟອງ ກຳລັງນັ່ງກີນເຂົ້າພ້ອມກັບຜົວ ແລະ ລູກສາວສອງຄົນ ອາຍຸ 5 ປີ ແລະ 3 ປີ ທ້າວ ປະສານສັກ ໄດ້ປົດເອົາປືນAK ອອກຈາກບ່າຂອງຕົນແລ້ວຍີງຂຶ້ນຟ້າ 03 ນັດ ຈາດນັ້ນເວົ້າກັບນາງ ຄຳຟອງວ່າ ເອົາບໍຄົນລະລູກ ແລ້ວທ້າວ ປະສານສັກກໍ່ຍີງປືນໃສ່ຫົວຂອງນາງ ຄຳຟອງ 01 ນັດ ຕາຍຄາທີ່ ແລ້ວ ທ້າວ ປະສານສັກ ກໍເອົາປືນບອກດຽວກັນ ຍີງຕົວເອງຕາຍຄາທີ່. (ສຳລັບລາຍລະອຽດທາງການແມ່ນພາຍຫຼັງ)
ຂໍສະແດງຄວາມເສຍໃຈກັບເຫດການຄັ້ງນີ້ ແລະ ຍາດຜູ້ເສຍຊີວິດດ້ວຍ.
