ກຽມພົບກັບຕະຫລາດນັດພົບແຮງງານປະຈຳປີ 2022 ເຊິ່ງຈະຈັດຂຶ້ນວັນ ທີ 17-20 ພະຈິກ 2022 ທີ່ພະແນກແຮງງານແລະ ສະຫວັດດີການສັງຄົມ ນະຄອນຫລວງ ວຽງຈັນ, ຕັ້ງຢູ່ບ້ານໜອງໄຮ, ເມືອງຫາດຊາຍຟອງ, ນະຄອນຫລວງ ວຽງຈັນ. ຄາດວ່າ ຈະມີຜູ້ເຂົ້າຮ່ວມງານ 3,000 ຄົນ; ໃນນັ້ນ, ມີທັງມາທ່ຽວຊົມ ແລະ ມາລົງທະບຽນ ສະໝັກ ງານ, ມີຫົວໜ່ວຍແຮງງານຕັ້ງຫ້ອງຮັບສະໝັກງານ 50 ຫົວໜ່ວຍ ແລະ ມີຕໍາແໜ່ງງານ ວ່າງຫລາຍ ກ່ວາ 11,000 ຕໍາແໜ່ງ ແລະ ຄາດວ່າຈະມີຜູ້ຊອກວຽກ/ຜູ້ວ່າງງານຫລາຍກ່ວາ 1,000 ຄົນ ໄດ້ຖືກບັນຈຸເຂົ້າເຮັດວຽກໃນຊ່ວງໄລຍະຂອງການຈັດງານ.
ທ່ານ ສາລະພິດ ສູນວໍລະວົງ ຫົວໜ້າພະແນກແຮງງານ ແລະ ສະຫວັດດີການສັງຄົມ ນະຄອນຫລວງວຽງຈັນ ໄດ້ຖະແຫລງຂ່າວ ໃນວັນທີ 4 ພະຈິກ ວ່າ: ການຈັດງານຕະຫລາດ ນັດພົບແຮງງານຄັ້ງນີ້, ແນໃສ່ເພື່ອສ້າງໂອກາດ ແລະ ອຳນວຍຄວາມສະດວກ ໃຫ້ຜູ້ຊອກ ວຽດເຮັດງານທຳ ແລະ ບັນດາຫົວໜ່ວຍແຮງງານ ທີ່ພົບປະກັນແລ້ວນໍາໄປສູ່ການຈັດຫາງານ; ເພື່ອສ້າງເງື່ອນໄຂໃຫ້ແຮງງານ ທີ່ຕ້ອງການພັດທະນາສີມືແຮງງານສາມາດເຂົ້າເຖິງ ສະຖາ ບັນການສຶກສາຕ່າງໆໄດ້ຮັບການຍົກລະດັບສີມືແຮງງານແທດເໝາະຄວາມຕ້ອງການ ຂອງ ຕະຫລາດແຮງງານ; ເພື່ອຫລຸດຜ່ອນອັດຕາການວ່າງງານ, ຫລຸດຜ່ອນການເຄື່ອນຍ້າຍແຮງ ງານໄປເຮັດວຽກ ຢູ່ຕ່າງປະເທດແບບບໍ່ຖຶກຕ້ອງ ທັງເປັນການສົ່ງເສີມການເຮັດວຽກຢູ່ພາຍໃນ ປະເທດ ແລະ ເປັນການຈັດຕັ້ງປະຕິບັດຕາມ ແຜນພັດທະນາເສດຖະກິດ-ສັງຄົມຂອງນະ ຄອນຫລວງວຽງຈັນໃຫ້ປະກົດຜົນສຳເລັດຕາມຄາດໝາຍ ເພື່ອສ້າງເງືອນໄຂ ແລະ ເອຶ້ອອຳ ນວຍຄວາມສະດວກ ໃຫ້ຜູ້ທີ່ຕ້ອງການວຽກເຮັດງານທໍາ ແລະ ຫົວໜ່ວຍແຮງງານໄດ້ ພົບປະກັນ, ລູກຈ້າງໄດ້ມີໂອກາດໂອ້ລົມກັບນາຍຈ້າງໂດຍກົງ ນໍາໄປສູ່ການຮັບສະໝັກ ແລະ ຖືກບັນຈຸເຂົ້າໃນຕຳແໜ່ງງານວ່າງທີ່ເໝາະສົມກັບຄວາມຮູ້ຄວາມສາມາດຂອງຜູ້ຊອກວຽກ; ປູກຈິດສຳນຶກໃຫ້ຜູ້ປະກອບການ(ນາຍຈ້າງ) ແລະ ຜູ້ຊອກວຽກເຮັດງານທຳ ມີຄວາມຮັບຮູ້ ເຂົ້າໃຈຕໍ່ກັບແນວທາງນະໂຍບາຍປ່ຽນແປງໃໝ່ ແລະ ລະບຽບກົດໝາຍທີ່ກ່ຽວຂ້ອງກັບ ວຽກງານໂດຍສະເພາະແມ່ນການຈັດຈ້າງງານ, ພ້ອມຮັບຮູ້, ເຂົ້າໃຈພາລະບົດບາດຂອງ ວຽກງານແຮງງານຫລາຍຂຶ້ນ. ງານນັດພົບແຮງງານ, ນອກຈາກຈະເປັນການສ້າງເງື່ອນໄຂ ໃຫ້ຜູ້ປະກອບທຸລະກິດ ແລະ ຜູ້ຊອກວຽກເຮັດງານທຳ ມາພົບກັນແລ້ວ ຍັງເປັນເວທີການປຶກ ສາຫາລືກ່ຽວກັບການຈັດຕັ້ງຜັນຂະຫຍາຍວຽກງານສົ່ງເສີມ ແລະ ພັດທະນາສີມືແຮງງານ ເພື່ອຕອບສະໜອງສີມືແຮງງານທາງ ດ້ານປະລິມານ ແລະ ຄຸນນະພາບ ໃຫ້ກັບຫົວໜ່ວຍ ທຸລະກິດຕ່າງໆທັງຜູ້ປະກອບການພາຍໃນ ແລະ ນັກລົງທຶນຕ່າງປະເທດ ໃຫ້ສາມາດຈັດ ຕັ້ງປະຕິບັດວຽກງານຂອງຕົນຢ່າງມີປະສິດທິພາບ ແລະ ມີປະສິດທິຜົນ ປະກອບສ່ວນເຂົ້າ ໃນການພັດທະນາເສດຖະກິດ-ສັງຄົມຂອງນະຄອນຫລວງວຽງຈັນ ກໍຄືປະເທດ.
ພາຍໃນງານຈະມີກິດຈະກຳເຊັ່ນ: ລົງທະບຽນຮັບສະໝັກງານ ແລະ ກິດຈະກຳ ໃຫ້ ຂໍ້ມູນຂ່າວສານ ກ່ຽວກັບການຊອກວຽກເຮັດງານທໍາ, ຂໍ້ມູນກ່ຽວການຝຶກອົບຮົມວິຊາຊີບ, ຂໍ້ມູນ ກ່ຽວກັບການຂະຫຍາຍຕົວຂອງຕະຫລາດແຮງງານ; ກິດຈະກໍາການວາງສະແດງຮູບພາບ ການເຄື່ອນໄຫວຂອງກິດຈະກຳຂອງຫົວໜ່ວຍແຮງງານໃນໄລຍະທີ່ຜ່ານມາ; ການໂຄສະ ນາເຜີຍແຜ່ເວ໊ປໄຊ, ການຊອກຫາວຽກເຮັດງານທຳຜ່ານທາງລະບົບອິນເຕີເນັດ; ກິດຈະກຳ ການແຂ່ງຂັນສີມືແຮງງານຂອງນ້ອງນັກຮຽນຈາກສະຖາບັນ, ສູນວິຊາຊີບ(ໃນສາຍອາຊີບ ແກະສະຫລັກໝາກໄມ້) ແລະ ອື່ນໆ.