ຫນ່ວຍກູ້ຊີບອົງການກາແດງລາວ ແຂວງ ຫລວງພະບາງ ລາຍງານວ່າ: ວັນທີ 21 ສິງຫາ 2022 ເວລາ 22:30 ນາທີ ໄດ້ຮັບແຈ້ງຈາກປະຊາຊົນເຂົ້າເບີ 0711625 ວ່າມີອຸບັດຕິເຫດລົດ12 ລໍ້ຕົກເຫວ ທີ່ບ້ານ ສີບຸນເຮືອງເມືອງນໍ້າບາກ ແຂວງ ຫລວງພະບາງ ເມື່ອທີມງານກູ້ຊີບອົງການກາແດງລາວ ອອກກວດສອບພົບຜູ້ເສຍຊີວິດຄາທີ່ຕິດຢູ່ພາຍໃນລົດ 2 ຄົນ, ຍິງ 1 ຄົນ:
– ຜູ້ທີ 1 ຊື່: ທ.ບຸນທັນ, ອາຍຸ: 49 ປີ, ສັນຊາດ: ລາວ ບ້ານຢູ່ປັດຈຸບັນ ບ້ານ ຫານ, ເມືອງ: ຫົງສາ,ແຂວງ: ໄຊຍະບູລີ.
– ຜູ້ທີ 2 ຊື່ ນ.ອໍາໄພ ອາຍຸ 43ປີ, ສັນຊາດລາວ, ບ້ານ ຢູ່ປັດຈຸບັນບ້ານ ຫານ, ເມືອງ ຫົງສາ, ແຂວງ ໄຊຍະບູລີ.
ທີມງານຫນ່ວຍກູ້ຊີບອົງການກາແດງລາວ ໄດ້ໃຊ້ເຄື່ອງຕັດຖາງໃນການຕັດຊາກລົດເພື່ອເອົາຜູ້ເສຍຊີວິດອອກຈາກລົດແລ້ວຫໍ່ສົບຜູ້ເສຍຊີວິດແລ້ວນຳສົ່ງໂຮງເຢັນໂຮງຫມໍ ແຂວງ ຫລວງພະບາງ
ຂ່າວ-ພາບ: ຫນ່ວຍກູ້ຊີບອົງການກາແດງລາວ ແຂວງ ຫລວງພະບາງ