ຈາກຜົນງານທີ່ໂດດເດັ່ນ ໃນການແຂ່ງຂັນ ເຕະບານ AFF U-19 ຂອງທີມຊາດລາວ ໄດ້ເຂົ້າຮອບ ຊິງຊະນະເລີດ ເປັນຄັ້ງປະຫວັດສາດ ໂດຍສາມາດ ຊະນະທຸກ ທຸກທີມໃນກຸ່ມດຽວກັນ ແລະ ຍັງສາມາດເອົາຊະນະເຕັງ #1 ທີມຊາດໄທ ໄປໄດ້ ດ້ວຍປະຕູ 2:0 ໃນຄໍ່າຄືນ ວັນທີ 13/07/2022 ທີ່ຜ່ານມາ, ແຟນບານ ໃນຊາດອາຊຽນ ຕ່າງອອກມາ ສະແດງຄວາມຍິນດີ ແລະ ຍ້ອງຍໍທີມຊາດ ລາວ ທີ່ມີຟອມການຫຼິ້ນທີ່ໂດດເດັ່ນຕະຫຼອດ 90 ນາທີ ແລະ ຍັງຊະນະໃຈແຟນບານປະເທດເຈົ້າພາບ ອິນໂດເນເຊຍ ແລະ ແຟນບານ ໃນຊາດ ອາຊຽນ ອີກດ້ວຍ.
ແຟນບານໃນຊາດ ອາຊຽນ ໄດ້ໂພສ ສະແດງຄວາມຍິນດີ ຜ່ານເຟສບຸກເພຈ ASEAN FOOTBALL, ແລະ ສຽງສ່ວນໃຫຍ່ ແມ່ນຢາກເຫັນທີມຊາດລາວ ເປັນແຊັມ ໃນລາຍການນີ້.
ນັດຊິງຊະນະເລີດ ທີມຊາດລາວ ຈະພົບກັບ ທີມຊາດ ມາເລເຊຍ
ໃນວັນທີ 15/07/222 ນີ້. ແຟນບານ ຢູ່ລາວ ຢ່າລືມຮ່ວມເຊຍກັນເດີ້ !!!
ຂໍ້ມູນຈາກ: FM90