ອີງຕາມຂ່າວຈາກ ກົວລາລຳເປີ, ວັນທີ 26 ມິຖຸນານີ້, ມາເລເຊຍ ກຽມໃຊ້ງົບປະມານ ກ້ອນໃຫຍ່ທີ່ສຸດ ໃນປະຫວັດສາດ ໃນປີນີ້ 7.73 ຕື້ຣິງກິດ ທັງເງິນອຸດໜູນ ແລະ ເງິນສົດ ເພື່ອຊ່ວຍຫລຸດຜ່ອນຜົນກະທົບຈາກສິນຄ້າ ຂຶ້ນລາຄາ ແລະ ຊ່ວຍປະຊາຊົນຮັບມືກັບໄພເງິນເຟີ້ ຫລັງຈາກ ເງິນເຟີ້ ປະຈຳເດືອນ ພຶດສະພາ ເພີ່ມຂຶ້ນ 5,2% ເມື່ອທຽບໃສ່ປີກາຍ.
ຂະນະທີ່ ລັດຖະບານ ມາເລເຊຍ ພວມກະກຽມງົບປະມານ 5.1 ຕື້ຣິງກິດ ເພື່ອໜູນຊ່ວຍຜູ້ບໍລິໂພກ ເຊັ່ນ: ພະລັງງານ, ໄຟຟ້າ ແລະ ສະບຽງອາຫານ,ໂດຍຖືວ່າລາຄາສິນຄ້າຍັງຄົງຢູ່ ໃນລະດັບປັດຈຸບັນ ພ້ອມທີ່ຈະ ໃຫ້ການຊ່ວຍເຫລືອໃນຮູບແບບເງິນສົດ 1.17 ຕື້ຣິງກິດ ການອຸດໜູນ ອື່ນໆອີກ 1.46 ຕື້ຣິງກິດ.
ສໍາລັບທ້າຍເດືອນ ມິຖຸນາ ນີ້ ຈະໃຊ້ເງິນ 400 ລ້ານຣິງກິດ ຊ່ວຍຄອບຄົວຮັບມືຄ່າອາຫານ ແລະ ຄ່າຄອງຊີບ ເພີ່ມສູງຂຶ້ນຢ່າງຕໍ່ເນື່ອງ.
ຂໍ້ມູນຂ່າວ: ສະໄຫວ ລາດປາກດີ