ຕາມຂ່າວຈາກ ເວັບໄຊ https://thainews.prd.go.th/th/news/detail ,ເມື່ອບໍ່ດົນມານີ້ ລາຍງານວ່າ: ໄທ ພວມປຶກສາຫາລືກັບ ລາວ ແລະ ຫວຽດນາມ ກ່ຽວກັບເລື່ອງເປີດສາຍ ລົດເມໃໝ່ ເຊື່ອມຕໍ່ບັນດາສະຖານທີ່ມີຊື່ສຽງຂອງ 3 ປະເທດໂດຍຜ່ານເສັ້ນທາງ R12 ຈາກ ນະຄອນພະມົມ ຂອງ ໄທ ໄປເທດສະບານ ທ່າແຂກ ແຂວງ ຄຳມ່ວນ, ທາງພາກກາງຂອງ ລາວ ແລະ ໄປຮອດແຂວງ ຮ່າຕິ້ງ ຂອງ ຫວຽດນາມ.
ໄລຍະທາງຈາກ ນະຄອນພະນົມ ໄປຮອດ ຮ່າຕິ້ງ ແມ່ນ 300 ກມ. ກະຊວງຄົມມະນາຄົມ ຂົນສົ່ງໄທ ໃຫ້ຮູ້ວ່າ: ພວມມານະພະຍາຍາມ ສົ່ງເສີມ ວິວັດການ ເປີດສາຍລົດເມ ດັ່ງກ່າວ, ລວມທັງເລື່ອງສະເໜີ ໃຫ້ ລາວ ເປັນເຈົ້າພາບ ຈັດກອງປະຊຸມກຸ່ມ ປະຕິບັດງານ 3 ຝ່າຍ ຄັ້ງທີ 2 ໃນໄວ້ໆນີ້ ເພື່ອປຶກສາຫາລື ຮູບແບບ ການບໍລິການ ແລະ ຍົກອອກ ຂໍ້ຕົກລົງ ທາງການ ທີ່ກ່ຽວຂ້ອງ ເຖິງສາຍລົດເມນີ້.