ອີງຕາມການລາຍງານຂ່າວຈາກ https://mgronline.com/uptodate/detail/9650000054214
ວັນທີ 7 ມິຖຸນາ ນີ້, ກຳປູເຈຍ ກາຍເປັນປະເທດປອດເຊື້ອພະຍາດ ໂຄວິດ-19 ແລ້ວ ຫລັງຈາກຜູ້ຕິດເຊື້ອຄົນສຸດທ້າຍ ໄດ້ຮັບການປິ່ນປົວດີແລ້ວ ແລະ ບໍ່ມີລາຍງານພົບຜູ້ຕິດເຊື້ອ ໂຄວິດ-19 ລາຍໃໝ່ຕິດຕໍ່ກັນ 31ວັນ ໂດຍມີຜູ້ຕິດເຊື້ອສະສົມ 136,262 ຄົນ, ປິ່ນປົວຫາຍດີແລ້ວ 133,206 ຄົນ ແລະ ຜູ້ເສຍຊີວິດ 3,056 ຄົນ ນັບຕັ້ງແຕ່ເກີດພະຍາດແພ່ລະບາດ ເມື່ອເດືອນກໍລະກົດ ປ2020.
ຂະນະທີ່ກະຊວງສາທາລະນະສຸກ ກຳປູເຈຍ ເປີດເຜີຍວ່າ: ກຳປູເຈຍ ສັກວັກຊິນປ້ອງກັນ ໂຄວິດ-19 ຢ່າງໜ້ອຍ 1ໂດສ ໃຫ້ປະຊາຊົນ 15 ລ້ານ ກວ່າຄົນກວມເອົາ 94% ຂອງປະຊາກອນ 16 ລ້ານຄົນ ໂດຍມີປະຊາຊົນສັກວັກຊິນ ຄົບ 2ໂດສ 14.3 ລ້ານຄົນ, ຄົບ 3 ໂດສ 9.25 ລ້ານຄົນ, ຄົບ 4 ໂດສ 2.58 ລ້ານຄົນ ຕາມລຳດັບ ແລະ ຈະເລີ່ມສັກວັກຊິນ ໂດສທີ 5 ໃຫ້ປະຊາກອນກຸ່ມສ່ຽງ ຕັ້ງແຕ່ວັນທີ 9 ມິຖຸນາ ນີ້ ເປັນຕົ້ນໄປ.
