ອາລິດ ສົມບັດ (Alice Sombath) ກອງຫຼັງທີມຊາດ ຝຣັ່ງ ເຊື້ອສາຍ ລາວ ອາຍຸ 18 ປີ ລົງສະໜາມນຳທັບ ໂອລິມປິກ ລີຢົງ ຈາກ ຝຣັ່ງ ເອົາຊະນະ ບາເຊໂລນາ ຈາກສະເປນ 3-1 ຄວ້າແຊ້ມ UEFA Women’s Champion league 2021-2022 ຫຼືສະໂມສອນບານເຕະຍິງ ຢູໂຣບ ໃນລະດູການນີ້.
ປະຫວັດສ່ວນຕົວຂອງ “ອາລິດ ສົມບັດ” ເກີດໃນຄອບຄົວຄົນ ລາວ ທີ່ຕັ້ງຖິ່ນຖານຢູ່ປະເທດ ຝຣັ່ງ. ເປັນຄົນຮັກ ແລະ ມັກກິລາບານເຕະ. ກ່ອນທີ່ຈະໄປຝຶກຊ້ອມກິລາບານເຕະກັບ ອາເກວ, ປາຣີ FC, ປາຣີ ແຊງແຊກແມງ ແລະ ລີຢົງ ຕາມລຳດັບ, ແລະ ໄດ້ຮັບສັນຍາອາຊີບເຕັມຕົວກັບສະໂມສອນໂອລິມປິກ ລີຢົງ ໃນປັດຈຸບັນ
ກັບທີມຊາດຝຣັ່ງ “ນ້ອງ ອາລິດ ” ເຄີຍຕິດທີມຊາດ U-16,17,19 ແລະ U19 ໃນປັດຈຸບັນ
ປີນີ້ ອາລິດ ໄດ້ຖືກວາລະສານ GOAL ຍົກໃຫ້ເປັນໜຶ່ງໃນຜູ້ຫຼິ້ນ ດາວຮຸ່ງຍິງ ທີ່ໜ້າຈັບຕາເບິ່ງໃນປີທີ່ສຸດໃນປີ 2022.
ທີ່ມາ : MrFootballAEC