ອີຊູຊຸ ເຜີຍຄວາມສຳເລັດຄວາມເໜືອຊັ້ນ ກິດຈະກຳການຕະຫຼາດ

Wpfreeware 6:49 AM Technology
ຕຣີ ເພັດ ອີຊູຊຸ ເຊວສ໌ ພາທ່ຽວຊົມ “ອີຊູຊຸ ໂຊ” ນຶ່ງໃນກິດຈະກຳການຕະຫຼາດຕົ້ນສະບັບ ທີ່ນຳມາເຊິ່ງຄວາມສຳເລັດຢ່າງສູງສຸດ ຂອງລົດ ອີຊູຊຸ ໃນປະເທດໄທ, ມີຍຸດທະສາດການຕະຫຼາດເໜືອຊັ້ນ ທີ່ໄດ້ຮັບການຍອມຮັບຂອງ ອີຊູຊຸ ຈາກນາໆປະເທດ ແລະ ເປັນນຶ່ງໃນຫຼັກສູດ “ຕຣີ ເພັດ ອີຊູຊຸ ມາເກັດຕິງສະຄູລ” (Marketing School) ທີ່ຜູ້ຈຳໜ່າຍ ອີຊູຊຸ ທົ່ວໂລກ ນຳມາປັບໃຊ້ສຳລັບການເຮັດຕະຫຼາດລົດ ອີຊູຊຸ ໃນທົ່ວໂລກ. ການສົ່ງອອກລົດກະບະ ອີຊູຊຸດີແມັກ ຂອງກຸ່ມອີຊູຊຸ ໃນປະເທດໄທ ມີເອກະລັກຕ່າງຈາກຍີ່ຫໍ້ອື່ນໆ ເພາະບໍ່ໄດ້ເປັນພຽງແຕ່ການສົ່ງສະເພາະ ໂຕລົດຄຸນນະພາບສູງເທົ່ານັ້ນ ແຕ່ຍັງລວມເຖິງການສົ່ງອອກ ຍຸດທະສາດການຕະຫຼາດ ທີ່ປະສົບຄວາມສຳເລັດໃນປະເທດໄທ ໄປພ້ອມໆກັັນ. ອີຊູຊຸ ບໍ່ແມ່ນຜູ້ຜະລິດລາຍທຳອິດ ທີ່ຍ້າຍຖານການຜະລິດມາໄທ ແຕ່ເປັນລົດຍີ່ຫໍ້ທຳອິດ ທີ່ນຳຕົ້ນແບບຍຸດທະສາດການເຮັດຕະຫຼາດໃນໄທໄປປັບໃຊ້ ໃນການເຮັດຕະຫຼາດລົດກະບະອີຊູຊຸ ທີ່ຈຳໜ່າຍຢູ່ທົ່ວໂລກ. ເນື່ອງຈາກກົນລະຍຸດການຕະຫຼາດ ຂອງປະເທດໄທປະສົບຄວາມສຳເລັດຢ່າງຫຼວງຫຼາຍ ຈຶ່ງເຮັດໃຫ້ອີຊູຊຸ ຈາກທົ່ວໂລກຕ້ອງເດີນທາງໄປປະເທດໄທ ເພື່ອສຶກສາການດຳເນີນທຸລະກິດ ແລະ ຍຸດທະສາດການຕະຫຼາດຂອງ ຕຣີ ເພັດ ອີຊູຊຸ ເພື່ອນຳໄປເປັນຕົ້ນແບບໃນການສ້າງຕະຫຼາດທົ່ວໂລກ. ທ່ານນາງ ປະນັດດາ ເຈນນະວາສິນ, ກຳມະການຮອງຜູ້ຈັດການ ຂອງບໍລິສັດ ຕຣີ ເພັດ ອີຊູຊຸ ເຊວສ໌ ຈຳກັດ ກ່າວວ່າ: ກິດຈະກຳການຕະຫຼາດຂອງເຮົາ ມີຄວາມເປັນເອກະລັກ ຊຶ່ງຫຼາຍໆກິດຈະກຳ ໄດ້ກາຍເປັນຕົ້ນແບບ ທີ່ຜູ້ຄົນໃນວົງການອຸດສາຫະກຳລົດໄທຍອມຮັບ ເຊັ່ນ: ການຂັບລົດແບບປະຢັດນຳ້ມັນທີ່ ອີຊູຊຸ ເປັນຜູ້ລິເລີ່ມ ເປັນຍີ່ຫໍ້ທຳອິດໃນໄທ ເມື່ອປີ 1998 ແລະ ຍັງເຮັດຕໍ່ເນື່ອງມາຈົນເຖິງປັດຈຸບັນ, ການຈັດແຂ່ງຂັນມວຍໄທ ທາງໂທລະພາບລາຍການ “ອີຊູຊຸ ຄັບ” ຕິດຕໍ່ກັນມາ 27 ປີ ເຊິ່ງເປັນລາຍການມວຍ ທີ່ມີອາຍຸຍາວນານທີ່ສຸດໃນໄທ, ກິດຈະກຳສົ່ງເສີມໃຫ້ເຍົາວະຊົນໄທ ນຳສິລະປະມວຍໄທ ມາປະຍຸກໃຊ້ ໃນການອອກກຳລັງກາຍປະກອບດົນຕີ ຫຼື ທີ່ເອີ້ນວ່າ “ນາດຕະມວຍໄທອີຊູຊຸ” ໂດຍສະເພາະແມ່ນ ການຈັດງານ “ອີຊູຊຸ ໂຊ” ທີ່ຫ້ອງວາງສະແດງຜູ້ຈຳໜ່າຍອີຊູຊຸ ທົ່ວປະເທດໄທຕໍ່ເນື່ອງມາຫຼາຍກວ່າ 30 ປີ ແລະໄດ້ຮັບຄວາມນິຍົມຢ່າງສູງຈາກລູກຄ້າ ຈົນເຮັດໃຫ້ທຸກຄັ້ງທີ່ຈັດງານ ມີປະຊາຊົນ ເຂົ້າຮ່ວມງານຢ່າງຫຼວງຫາຍຕະຫຼອດໝົດມື້ ປານກັບວ່າ ແມ່ນບຸນປະຈຳຈັງຫວັດນັ້ນໆ. ນອກນີ້ ອີຊູຊຸ ຍັງໄດ້ແຕກລາຍກິດຈະກຳ ໃນລັກສະນະດຽວກັນນີ້ ໄປຕາມຊຸມຊົນ ເຊັ່ນ: ສູນການຄ້າ ເພື່ອຂະຫຍາຍກຸ່ມເປົ້າໝາຍໃຫ້ກວ້າງຂຶ້ນ ແລະ ກົງກັບຮູບແບບການໃຊ້ຊີວິດຂອງກຸ່ມລູກຄ້າ. ພາບກິດຈະກຳທີ່ທ່ານເຫັນຢູ່ນີ້ ນີ້ມີຊື່ວ່າ “ອີຊູຊຸ ດີແມັກ ບລູພາວເວີ ໂຊ” ຈັດຂຶ້ນທີ່ຫ້ອງວາງສະແດງ ອີຊູຊຸ ບໍລິສັດ ປຣະຊາກິດ ມໍເຕີ ເຊວສ໌ ຈຳກັດ ຈັງຫວັດ ຈັນທະບູລີ. ງານນີ້ ເປີດໃຫ້ຜູ້ຄົນເຂົ້າຮ່ວມມ່ວນຊື່ນກັບກິດຈະກຳຕ່າງໆ ເຊັ່ນ: ການແຂ່ງຂັນ ນາດຕະມວຍໄທ ອີຊູຊຸ” ໃນໂຄງການ “ຮັກຊາດ... ຮັກມວຍໄທ” ໂດຍມີຜູ້ເຂົ້າແຂ່ງຂັນ ລະດັບນັກຮຽນລະດັບມັດທະຍົມສຶກສາ ແລະ ອາຊີວະສຶກສາ ເຂົ້າແຂ່ງຂັນ ເພື່ອລຸ້ນເຂົ້າສູ່ຮອບຊີງຊະນະເລີດ ຊີງເງິນລາງວັນລວມກວ່າ 1 ລ້ານບາດ, ການປະກວດ “ອີຊູຊຸ ໂຈ໊ະ ສະຕາຣ໌ຄອນເທດສ໌” ການຮ້ອງ-ເຕັ້ນ ໃນແບບມ່ວນຊື່ນ ຫຼື ຮ່ວມໂອ້ລົມເລື່ອງເທັກນິກການຂັບລົດຂັບເຄື່ອນສີ່ລໍ້ ກັບຜູ້ຊະນະເລີດການແຂ່ງຂັນ “ອາຊີ ຄຣອສ ຄັນທຣີ ແຣລລີ່ 2016” ທີ່ນຳລົດອີຊູຊຸ ດີແມັກ ບລູພາວເວີ ໄປປະກາດໄຊຊະນະ ໃນການແຂ່ງຂັນທີ່ສຸດໂຫດລະດັບໂລກ. ນອກນີ້ ຍັງມີການສະແດງສະມັດຖະນະລົດຂັບເຄື່ອນ 4 ລໍ້ ອີຊູຊຸ ຜ່ານສະຖານີສຸດໂຫດ ພ້ອມກິດຈະກຳໃຫ້ຮ່ວມລຸ້ນລາງວັນ “ລົດອີຊູຊຸດີແມັກ 1.9 ດີດີໄອ ບລູພາວເວີ” ແລະ ລາງວັນອື່ນໆອີກຢ່າງຫຼວງຫຼາຍໃນເກມທ້າຄວາມໄວ ແລະ ຄວາມເຮັງ “ອີຊູຊຸ ແຈກຈິງ! 60 ວິນາທີ ເຮັດໄດ້...ໃຫ້ເລີຍ” ແລະ ຍັງໄດ້ນຳສິລະປິນຊື່ດັງຂອງເມືອງໄທ ຄື “ເກຣດ ວະລິນທອນ” ແລະ “ຕັກກະແຕນ ຊົນລະດາ” ມາຮ່ວມສ້າງຄວາມສຸກໃຫ້ກັບຜູ້ມາຮ່ວມງານ ອີກດ້ວຍ. ທ່ານນາງ ປະນັດດາ ກ່າວວ່າ: “ເຖິງແມ່ນວ່າ 110 ກວ່າປະເທດທົ່ວໂລກ ທີ່ອີຊູຊຸ ສົ່ງອອກລົດໄປຈຳໜ່າຍ ຈະແຕກຕ່າງກັນທັງດ້ານອາລິຍະທຳ, ປະເພນີ ແລະ ມີແນວທາງການຕະຫຼາດເປັນຂອງຕົນເອງ, ແຕ່ການພາມາໃຫ້ເຫັນດ້ວຍຕາຕົນເອງ ຈະກໍ່ໃຫ້ເກີດຄວາມເຊື່ອໝັ້ນ ແລະ ຍອມຮັບວ່າ ແນວທາງການຕະຫຼາດ ລວມທັງກິດຈະກຳການຕະຫຼາດຕ່າງໆທີ່ ອີຊູຊຸ ເປັນຕົ້ນສະບັບ ຈົນສ້າງຄວາມສຳເລັດຢ່າງຕໍ່ເນື່ອງ ມາຕະຫຼອດ 60 ປີ ຂອງການດຳເນີນກິດຈະການໃນປະເທດໄທ ຈະນຳມາເຊິ່ງຄວາມສຳເລັດຂອງອີຊູຊຸ ໃນທຸກໆປະເທດເຊັ່ນດຽວກັນ.” ​.
img

Duis quis erat non nunc fringilla

Nunc tincidunt, elit non cursus euismod, lacus augue ornare metus, egestas imperdiet nulla nisl quis mauris.

Read More
  • img

    ລະວັງ ໄວຣັດ ຄອມພິວເຕີ

    ໃນວັນທີ 15 ພຶດສະພາ 2017 ກະຊວງໄປສະນີໂທລະຄົມມະນາຄົມ ແລະ ການສື່ສານ (ປທສ) ໄດ້ອອກແຈ້ງການເຕືອນໄພເຖິງບັນດາກະຊວງ ອົງການຈັດຕັ້ງພາກລ ...

img

Duis quis erat non nunc fringilla

Nunc tincidunt, elit non cursus euismod, lacus augue ornare metus, egestas imperdiet nulla nisl quis mauris.

Read More
  • img

    ພິທີໄຂສະຖາບັນ ການຢາ-ການແພດ

    ພິທີໄຂສະຖາບັນ ການຢາ-ການແພດພື້ນເມືອງ ກອງທັບຢ່າງເປັນທາງການໄດ້ ມີຂຶ້ນເມື່ອວັນທີ 3 ມີນານີ້ ທີ່ ບ້ານໂພນສີນວນ ເມືອງສີສັດ ຕະນາກ ນະຄອນຫຼວງວຽງຈັນ ...

ລາຍການຂ່າວສານ

Blog Archive