ຂາຍລົດແລ້ວ ແຕ່ຍັງເອົາຫນັງສືລົດໄປຈຳເອົາເງິນ

Wpfreeware 6:49 AM Technology
ໃນພາກຊີວິດແລະກົດໝາຍໃນເທື່ອນີ້ ພວກເຮົາຈະພາທ່ານໄປພົບກັບຄະດີທ່ີດຳເນີນຢູ່ສານ ຊຶ່ງເປັນເລື່ອງຂອງບຸກຄົນທີ່ຂາຍລົດໃຫ້ບຸກຄົນອື່ນໄປແລ້ວ ແຕ່ເນື່ອງຈາກການຈ່າຍເງິນຍັງບໍ່ໝົດ ຈຶ່ງບໍ່ຍອມມອບຫນັງສືໃຫ້ ແລະແລ້ວຕົນຊໍ້າພັດເອົາຫນັງສືໄປຈຳເອົາເງິນ ຈຶ່ງກາຍເປັນເລື່ອງທີ່ຮ້ອງຟ້ອງກັນເຖິງສານປະຊາຊົນ. ເລື່ອງເກີດຂຶ້ນມີຄື: ທ້າວ ກ ແລະ ນາງ ຂ (ສະຫງວນຊື່) ທີ່ເປັນຜົວເມຍກັນ ໄດ້ຂາຍລົດກະບະຮຸ່ນໄດ ຮູ່ນປີ 2000 ໃຫ້ແກ່ທ້າວ ຄ (ສະຫງວນຊື່) ໃນລາຄາ 200,000 ບາດ ໂດຍຈ່າຍກ່ອນ 90,000ບາດ ສ່ວນທີ່ເຫຼືອແມ່ນໃຫ້ທະຍອຍຈ່າຍໃຫ້ຄົບພາຍໃນ 3 ເດືອນ. ຕາມການນັດຫມາຍກັນນັ້ນ ແມ່ນ: ຖ້າຈ່າຍເງິນຄົບຖ້ວນແລ້ວ ໃຫ້ທ້າວ ກ ແລະ ນາງ ຂ ມອບໜັງສືລົດໃຫ້ທ້າວ ຄ. ຕໍ່ມາໄດ້ໄລຍະໜຶ່ງທ້າວ ກ ແລະ ນາງ ຂ ໄດ້ເອົາໜັງສືລົດຄັນດັ່ງກ່າວ ໄປຈຳເອົາເງິນນຳ ບໍລິສັດ ກກ (ສະຫງວນຊື່) ແລະໄດ້ເງິນຈຳນວນ 100,000 ບາດພ້ອມດອກເບ້ຍ 3% ຕໍ່ເດືອນ ແລະ ກຳນົດເວລາຈ່າຍຄືນ 3 ເດືອນ ໂດຍບໍ່ໄດ້ແຈ້ງໃຫ້ບໍລິສັດ ກກ ຮູ້ນຳວ່າລົດຄັນດັ່ງກ່າວ ແມ່ນໄດ້ຂາຍໃຫ້ທ້າວ ຄ ໄປແລ້ວ. ສ່ວນທ້າວ ຄ ກໍບໍ່ຮູ້ນຳວ່າ ຄູ່ຜົວເມຍ ໄດ້ເອົາໜັງສືລົດຄັນທີ່ໄດ້ຂາຍໃຫ້ຕົນນັ້ນ ໄປຈຳນຳເອົາເງິນ. ຢູ່ຕໍ່ມາ ທ້າວ ກ ແລະ ນາງ ຂ ໄດ້ເອົາໜັງສືລົດກະບະຮຸນໄດຮຸ່ນ ປີ 1996,1998 ແລະ1999 ຈຳນວນ 3 ສະບັບ (3 ຄັນ) ໄປຈຳເອົາເງິນນຳບໍລິສັດ ກກ ຕື່ມອີກ ສະບັບລະ 100,000 ບາດ ໂດຍຄິດໄລ່ດອກເບ້ຍ ແລະກຳນົດເວລາຄືເກົ່າ. ຫຼັງຈາກນັ້ນ ທ້າວ ກ ແລະ ນາງ ຂ ໄດ້ເອົາລົດຈຳນວນ 3 ຄັນດັ່ງກ່າວ ໄປຂາຍໃຫ້ ນາງ ງ, ທ້າວ ຈ ແລະ ນາງ ສ (ສະຫງວນຊື່). ເມື່ອຮອດກຳນົດເວລາ ທ້າວ ຄ ຈຶ່ງໄດ້ນໍາເອົາເງິນທີ່ຍັງຄ້າງຈຳນວນ 110,000 ບາດ ມາຈ່າຍໃຫ້ແກ່ຄູ່ຜົວເມຍຕາມທີ່ໄດ້ຕົກລົງກັນ. ແຕ່ ທ້າວ ກ ແລະ ນາງ ຂ ບໍ່ສາມາດມອບໜັງສືລົດໃຫ້ແກ່ທ້າວ ຄ ໄດ້, ດັ່ງນັ້ນ ທ້າວ ຄ ຈຶ່ງໄດ້ຮ້ອງຟ້ອງທ້າວ ກ ແລະ ນາງ ຂ (ຄູ່ຜົວເມຍ)ໃຫ້ເຈົ້າໜ້າທີ່ດຳເນີນຄະດີຕາມກົດໝາຍ. ສານໄດ້ວິນິດໄສວ່າ: ພວກຈຳເລີຍໄດ້ໃຊ້ເລ່ຫລ່ຽມຕົວະຍົວະຫຼອກລວງເອົາຊັບຂອງບຸກຄົນອື່ນມາເປັນຂອງຕົນດ້ວຍການຂາຍລົດໃຫ້ແກ່ບຸກຄົນອື່ນແຕ່ຍັງເອົາໜັງສືລົດໄປຈຳເອົາເງິນນຳ ບໍລິສັດ ກກ ແລະ ເອົາລົດທີ່ບໍ່ມີຫນັງສືໄປຂາຍໃຫ້ ນາງ ງ, ທ້າວ ຈ ແລະ ນາງ ສ ເຊິ່ງການກະທຳດັ່ງກ່າວຂອງພວກຈຳເລີຍ ແມ່ນແຕະຕ້ອງເຖິງກຳມະສິດຂອງບຸກຄົນອື່ນ, ສ້າງຄວາມບໍ່ເປັນລະບຽບຮຽບຮ້ອຍໃຫ້ແກ່ສັງຄົມ ແລະເຮັດໃຫ້ສັງຄົມບໍ່ມີຄວາມສະຫງົບສຸກ. ສານບໍ່ໄດ້ພິຈາລະນາຄະດີທາງແພ່ງ ເພາະວ່າ ທ້າວ ກ ແລະ ນາງ ຂ ໄດ້ມອບຫນັງສືລົດ ໃຫ້ ທ້າວ ຄ ແລະ ຍິນດີຈ່າຍຄ່າສິ້ນເປືອງໃຫ້ທ້າວ ຄ ຈຳນວນ 3,500,000 ກີບ. ສ່ວນບັນຫາກັບ ນາງ ງ , ທ້າວ ຈ ແລະ ນາງ ສ ກໍມີການໄກ່ເກ່ຍກັນເປັນທີ່ຮຽບຮ້ອຍແລ້ວ ເຊ່ັນກັນ. ສານໄດ້ລົງຄໍາຕັດສິນ ບອກວ່າ: ທ້າວ ກ ແລະ ນາງ ຂ ມີຄວາມຜິດໃນສະຖານການສໍ້ໂກງຊັບຂອງພົນລະເມືອງ; ລົງໂທດຕັດອິສະລະພາບ ທ້າວ ກ ແລະ ນາງ ຂ ຜູ້ລະ 9 ເດືອນ ແຕ່ໃຫ້ປະຕິບັດໂທດຕົວຈິງ 4 ເດືອນ ກັບ 3 ວັນ, ສ່ວນເຫຼືອພາກໄວ້ແລະປັບໃໝຜູ້ລະ 1,875,000 ກີບ; ໃຫ້ ພວກຈໍາເລີຍ ຈ່າຍຄ່າອາກອນຂອງລັດ ຜູ້ລະ 105,000 ກີບ. ​.
img

Duis quis erat non nunc fringilla

Nunc tincidunt, elit non cursus euismod, lacus augue ornare metus, egestas imperdiet nulla nisl quis mauris.

Read More
  • img

    ລະວັງ ໄວຣັດ ຄອມພິວເຕີ

    ໃນວັນທີ 15 ພຶດສະພາ 2017 ກະຊວງໄປສະນີໂທລະຄົມມະນາຄົມ ແລະ ການສື່ສານ (ປທສ) ໄດ້ອອກແຈ້ງການເຕືອນໄພເຖິງບັນດາກະຊວງ ອົງການຈັດຕັ້ງພາກລ ...

img

Duis quis erat non nunc fringilla

Nunc tincidunt, elit non cursus euismod, lacus augue ornare metus, egestas imperdiet nulla nisl quis mauris.

Read More
  • img

    ພິທີໄຂສະຖາບັນ ການຢາ-ການແພດ

    ພິທີໄຂສະຖາບັນ ການຢາ-ການແພດພື້ນເມືອງ ກອງທັບຢ່າງເປັນທາງການໄດ້ ມີຂຶ້ນເມື່ອວັນທີ 3 ມີນານີ້ ທີ່ ບ້ານໂພນສີນວນ ເມືອງສີສັດ ຕະນາກ ນະຄອນຫຼວງວຽງຈັນ ...

ລາຍການຂ່າວສານ

Blog Archive