ກະແລ້ມຮັກຊີວິດ

Wpfreeware 6:49 AM Technology
ທ່ານນາງ ດອກໄມ້ ມີເຊື້ອສາຍຝຣັ່ງ ຄື ມີພໍ່ເປັນຄົນລາວ, ຕອນຢູ່ຝຣັ່ງ ເພິ່ນມີພື້ນຖານການເຮັດກະແລ້ມ, ເຄັກ, ເຂົ້າຫນົມ, ປະເພດເຄື່ອງດື່ມນໍາ້ປັ່ນ, ຂອງຫວານຕ່າງໆ ມາແຕ່ຍັງນ້ອຍ. ສ່ວນຈຸດເລີ່ມຕົ້ນໃນການເຮັດ ກະແລ້ມ ຮັກຊີວິດ ກໍຄື ເມື່ອ 7 ປີກ່ອນຫນ້ານີ້ ເພິ່ນໄດ້ມາທ່ຽວລາວກັບຫມູ່ເພື່ອນ ຊຶ່ງໃນຕອນ ນັ້ນເພິ່ນໄດ້ສັງເກດເຫັນວ່າ ໃນ ວຽງຈັນ ບໍ່ມີຮ້ານກະແລ້ມ, ຮ້ານເຄັກ ຫຼາຍ ເທື່ອ ເພິ່ນຈຶ່ງ ຄິດຢາກຊອກຫາອາຊີບເຮັດໃນປະເທດລາວ. ຕໍ່ມາ ເພິ່ນ ໄດ້ມາເປັນອາຈານສອນ ພາສາອັງກິດທີ່ ວິທະຍາໄລ ວຽງຈັນ ເພິ່ນຈຶ່ງຫາເວລາ ວ່າງ ຈາກການສອນ ເປີດຮ້ານກະແລັມ ໃກ້ໆກັບວິທະຍາໄລ ທີ່ຕົນເອງສອນ ເພື່ອເປັນອາຊີບເສີມ. ຫຼັງຈາກ ເປີດໄດ້ສອງປີ ເຫັນວ່າ ມີສຽງຕອບຮັບດີ, ເພິ່ນຈຶ່ງຕັ້ງຊື່ຮ້ານກະແລ້ມນີ້ວ່າ: “ກະແລ້ມຮັກຊີວິດ.” ຮ້ານກະແລັມຂອງ ທ່ານນາງ ດອກໄມ້ ເລີ່ມເປີດໃຫ້ບໍລິການ ໃນປີ 2010 ເປັນຕົ້ນມາ ໂດຍເລີ່ມຈາກຮ້ານທໍາອິດທີ່ບ້ານ ຫນອງບອນ ເມືອງ ໄຊເສດຖາ ນະຄອນຫຼວງ ວຽງຈັນ (ຂ້າງວິທະຍາໄລ ວຽງຈັນ), ຈາກນັ້ນ ຈຶ່ງໄດ້ຍ້າຍມາທີ່ບ້ານ ໂພນສີນວນ ເມືອງ ສີສັດຕະນາກ (ໃກ້ກັບວົງວຽນ ດົງປ່າລານ) ໃນປີ 2013 ແລະຕົກມາປີນີ້ ໄດ້ຍ້າຍມາທີ່ບ້ານ ສະພານທອງໃຕ້ ເມືອງ ສີສັດຕະນາກ ຊຶ່ງເປັນຮ້ານທີ່ໃຫຍ່ພໍສົມຄວນ ແລະພ້ອມໃຫ້ບໍລິການ ກະແລ້ມຢ່າງເຕັມຮູບແບບ. ທ່ານນາງ ດອກໄມ້ ບອກວ່າ: ໃນໄລຍະເປີດຮ້ານແຫ່ງໃຫມ່, ເບື້ອງຕົ້ນ ໂດຍ: ສຸກັນຍາ ຈັນທະລາໄລ ກະແລ້ມຮັກຊີວິດ "ຮັກຊີວິດ"ເປັນຊື່ຂອງກະແລ້ມ ໂດຍມີພາສາອັງກິດລະບຸອີກ ວ່າ: love life. ທ່ານນາງ ດອກໄມ້ ວາເຣນ ເຈົ້າຂອງຮ້ານ ກະແລ້ມ ຮັກຊີວິດ ເປັນຜູ້ຕັ້ງຊື່ກະແລ້ມຂອງເພິ່ນເອງ. ຈະມີການຜະລິດກະແລ້ມຫຼາກຫຼາຍຮູບແບບ ອອກຈໍາຫນ່າຍ ເຊັ່ນ ກະແລັມຣົດ ວະນີລາ, ຣົດໂຊໂກແລັດ, ຣົດຄັບເຄັກ, ກະແລັມເຮືອປະສົມ ຫມາກໄມ້, ປະສົມໂຊໂກແລັດ, ປະສົມ ໂຢເກິດ, ວະນີດາ, ນົມເນີຍ. ນອກນີ້ ຍັງມີກະແລັມຫມາກໄມ້ ແລະ ມີກະແລ້ມ ຕ່າງໆຕາມເມນູເກືອບ 20 ລາຍການ. ສ່ວນລາຄາ ແມ່ນ ເລີ່ມຕົ້ນຈາກ 1,000 ກີບຂຶ້ນໄປ. ພາຍໃນ ຮ້ານ ຍັງມີຊາ, ກາເຟ, ນໍາ້ປັ່່ນຫມາກໄມ້ ໄວ້ບໍລິການນໍາອີກ. ຈຸດເດັ່ນຂອງຮ້ານແຫ່ງນີ້ກໍຄື ມີສວນຫຼິ້ນສໍາລັບເດັກ, ມີຫ້ອງທີ່ກວ້າງຂວາງ, ມີບ່ອນນັ່ງກິນດື່ມພັກຜ່ອນດ້ານໃນ ແລະ ນອກ ຊຶ່ງຮອງຮັບລູກຄ້າໄດ້ຫຼາຍກວ່າ 40-50 ຄົນ, ມີບໍລິການ ວາຍຟາຍ ໃຫ້ຫຼິ້ນອິນເຕີເນັດຟຣີ. ຮ້ານກະແລ້ມຮັກຊີວິດ ເປີດບໍລິການແຕ່ວັນຈັນ ຫາ ວັນເສົາ, ເວລາ 14 ໂມງ ຫາ 19 ໂມງ. ​.
img

Duis quis erat non nunc fringilla

Nunc tincidunt, elit non cursus euismod, lacus augue ornare metus, egestas imperdiet nulla nisl quis mauris.

Read More
  • img

    ລະວັງ ໄວຣັດ ຄອມພິວເຕີ

    ໃນວັນທີ 15 ພຶດສະພາ 2017 ກະຊວງໄປສະນີໂທລະຄົມມະນາຄົມ ແລະ ການສື່ສານ (ປທສ) ໄດ້ອອກແຈ້ງການເຕືອນໄພເຖິງບັນດາກະຊວງ ອົງການຈັດຕັ້ງພາກລ ...

img

Duis quis erat non nunc fringilla

Nunc tincidunt, elit non cursus euismod, lacus augue ornare metus, egestas imperdiet nulla nisl quis mauris.

Read More
  • img

    ພິທີໄຂສະຖາບັນ ການຢາ-ການແພດ

    ພິທີໄຂສະຖາບັນ ການຢາ-ການແພດພື້ນເມືອງ ກອງທັບຢ່າງເປັນທາງການໄດ້ ມີຂຶ້ນເມື່ອວັນທີ 3 ມີນານີ້ ທີ່ ບ້ານໂພນສີນວນ ເມືອງສີສັດ ຕະນາກ ນະຄອນຫຼວງວຽງຈັນ ...

ລາຍການຂ່າວສານ

Blog Archive