ຢ່າໆໆໆໆ! ຢ່າເອົາຈີ່ຈ້ຽມ

Wpfreeware 6:49 AM Technology
ຢ່າໆໆໆໆ! ຢ່າເອົາຈີ່ຈ້ຽມ ຫຼືບົ້ງກະເລັນຖິ້ມໃສ່ກັນ ຖ້າບໍ່ຕ້ອງການຂ້າກັນ ເພາະຄົນບາງຄົນ ຢ້ານສັດເຫຼົ່ານີ້ຈົນຕາຍ ແລະ ຫລ້າສຸດນີ້ ກໍ່ມີຂ່າວຄົນຕາຍຍ້ອນການຢ້ານຈີ່ຈ້ຽມ. ເຫດການນີ້ ໄດ້ຂ້າເດັກຊາຍ ຄົນນຶ່ງ (ສະຫງວນຊື່) ທີ່ບ້ານທົ່ງ ສ້າງນາງ ເມືອງ ຈັນທະບູລີ ນະຄອນຫຼວງ ວຽງຈັນ ໃນກາງຄືນຂອງວັນທີ 17 ກຸມພາ 2017. ມື້ນັ້ນ ທ້າວ ກ (ຜູ້ຕາຍ) ໄດ້ໄປກິນເຂົ້າປຽກກັບຫມູ່ຢູ່ຮ້ານແຫ່ງນຶ່ງຂ້າງກະຊວງປ້ອງກັນຄວາມສະຫງົບ. ໃນຂະນະທີ່ນັ່ງຢູ່ດ້ວຍກັນ ຫມູ່ຂອງທ້າວ ກ ຄົນນຶ່ງໄດ້ຈັບຈີ່ຈ້ຽມມາຫຼອກທ້າວ ກ ເພື່ອຄວາມມ່ວນຊື່ນ ແລະ ຢອກໄຍກັນຖານໝູ່ເພື່ອນຮັກແພງ. ແຕ່ທ້າວ ກ ຜູ້ທີ່ຢ້ານຈີ່ຈ້ຽມຢູ່ແລ້ວ ເຫັນໝູ່ຈັບຈີ່ຈ້ຽມຢອກ ກໍຢ້ານ ແລະ ຕົກໃຈ ພ້ອມທັງຮ້ອງ ແລະ ແລ່ນໜີຈາກໝູ່ ໄກປະມານ 50 ແມັດ (ເກືອບໄປຮອດໄຟແດງໜ້າຄິວລົດເມ) ແລ້ວກໍ່ຢຸດນັ່ງພັກຜ່ອນຢູ່ແຖວນັ້ນ. ສ່ວນໝູ່ເພື່ອນທີ່ຢູ່ຮ້ານເຂົ້າປຽກຜິດສັງເກດທີ່ບໍ່ເຫັນທ້າວ ກ ກັບຄືນມາຮ້ານເຂົ້າປຽກ ຈຶ່ງຂີ່ລົດຈັກໄປຕາມຫາ ແລະ ກໍ່ພົບທ້າວ ກ ໃນສະພາບໃບຫນ້າເຫຼືອງລ່າ ຄືຄົນບໍ່ມີເລືອດ. ຕອນນັ້ນ ໝູ່ເພື່ອນກໍ່ຍັງຄິດວ່າ ລາວບໍ່ເປັນຫຍັງຫຼາຍ ຈຶ່ງປ່ອຍໃຫ້ລາວນັ່ງຢູ່ລະບຽງຮ້ານ. ສຸດທ້າຍທ້າວ ກ ກໍໍ່ຕົກລົງຈາກລະບຽງ (ລົ້ມລົງທາງໜ້າ) ເຮັດໃຫ້ໜ້າເຕີກ ແລະ ຄາງກະໄຕຍ້າຍ. ເມື່ອເຫັນດັ່ງນັ້ນໝູ່ເພື່ອນຈຶ່ງໂທຫາໜ່ວຍກູ້ໄພ. ແຕ່ກໍຊ້າເກີນໄປ, ທ່ານໝໍທີ່ໂຮງຫມໍມະໂຫສົດ ບໍ່ສາມາດກອບກູ້ຊີວິດລາວໄວ້ໄດ້ ແລະ ບອກວ່າ ຜູ້ກ່ຽວເສຍຊີວິດ ຕັ້ງແຕ່ຕົກລະບຽງພຸ້ນ. ພໍ່ຂອງທ້າວ ກ ເລົ່າສູ່ຟັງ ວ່າ ລູກຊາຍຂອງລາວມີບັນຫາກ່ຽວກັບຫົວໃຈມາແຕ່ນ້ອຍ (ລີ້ນຫົວໃຈຝິ່ວ) ແລະໄດ້ເຮັດການຜ່າຕັດຫົວໃຈ ເມື່ອລາວອາຍຸ 7 ປີ ນຳໂຄງການຊ່ວຍເຫຼືອລ້າຂອງປະເທດຝຣັ່ງ ຊຶ່ງອາດຈະເປັນສາຍເຫດນຶ່ງທີ່ເຮັດໃຫ້ລາວເສຍຊີວິດເມື່ອມີຄວາມຕົກໃຈ ຫຼື ຢ້ານ. ດຣ ບຸນຮຽງ ພາລິໄບ ຊ່ຽວຊານພະຍາດຫົວໃຈ ໂຮງໝໍມະໂຫສົດ ກ່າວເຖິງເຫດການນີ້ ວ່າ: ໃນກໍລະນີທີ່ທ້າວ ກ ເສຍຊີວິດ ຍ້ອນຄວາມຢ້ານອາດຈະບໍ່ກ່ຽວກັບການມີປະຫວັດຫົວໃຈຖືກຜ່າຕັດ ເພາະວ່າຫຼັງຈາກຜ່າຕັດແລ້ວ ຖ້າມີການກວດເຊັກສະພາບຫົວໃຈຢ່າງເປັນປົກກະຕິ ກໍ່ບໍ່ຫນ້າຈະມີບັນຫາ. ແຕ່ບໍ່ຮູ້ວ່າຫຼັງຈາກຜ່າຕັດຫົວໃຈແລ້ວ ທ້າວ ກ ໄດ້ໝັ່ນໄປກວດເຊັກຫົວໃຈເປັນປະຈຳຫຼືບໍ່. ດຣ ບຸນຮຽງ ຄາດວ່າ ການຕາຍຂອງທ້າວ ກ ອາດເປັນຍ້ອນການບີບຂອງຫົວໃຈບໍ່ດີ ຫຼື ຫົວໃຈເຕັ້ນຜິດຈັງຫວະ ເມື່ອເວລາຜູ້ກ່ຽວຢ້ານ ຫຼື ແລ່ນເມື່ອຍ. ການເຕັ້ນຜິດຈັງຫວະຂອງຫົວໃຈ ຖືເປັນໂຣກຫົວໃຈຊະນິດນຶ່ງທີ່ເຮັດໃຫ້ຄົນເຮົາເສຍຊີວິດ ຊຶ່ງຫຼາຍຄົນຢູ່ບ້ານເຮົາຍັງຖືເປັນເລື່ອງທຳມະດາ ຫຼື ບໍ່ເອົາໃຈໃສ່ໄປພົບແພດໝໍ ເພື່ອກວດ ແລະປິ່ນປົວ. ພາວະຫົວໃຈລົ້ມເຫຼວ ເກີດຈາກຫົວໃຈບໍ່ສາມາດສູບ-ສີດເລືອດໄປລ້ຽງສ່ວນຕ່າງໆຂອງຮ່າງກາຍໄດ້ຢ່າງພຽງພໍ ໂດຍຜູ້ປ່ວຍຈະມີອາການເມື່ອຍ ຕອນອອກກຳລັງກາຍ ຫຼື ນັ່ງຢູ່ຊື່ໆກໍເມື່ອຍ, ເຈັບໜ້າເອິກ, ຮູ້ສຶກເມື່ອຍເວລາຫາຍໃຈ. ຖ້າມີອາການແບບນີ້ຄວນຈະໄປພົບແພດໝໍເພື່ອກວດ ແລະ ປິ່ນປົວ ເພາະຖ້າປະໄວ້ ແລະບໍ່ໄດ້ຮັບການປິ່ນປົວໃຫ້ທັນເວລາ ອາດເຮັດໃຫ້ຜູ້ປ່ວຍຈະເສຍຊີວິດໄດ້. ຫົວໃຈຂອງຄົນເຮົາມີ 4 ຫ້ອງ, 2 ຫ້ອງຊ້າຍ ແລະ 2 ຫ້ອງຂວາ ໂດຍຈະແບ່ງດ້ວຍລີ້ນຂອງຫົວໃຈ ເປັນຫ້ອງເທິງ ແລະຫ້ອງລຸ່ມ. ໃນມື້ນຶ່ງ ຫົວໃຈຂອງຄົນເຮົາຈະເຕັ້ນສະຫມໍ່າສະເຫມີ ປະມານ 100,000 ຄັ້ງ ຫຼື ປະມານ 60-100 ຄັ້ງ ຕໍ່ນາທີ ແລະສູບ-ສີດເລືອດປະມານ 8,000 ລິດ ໄປລ້ຽງອະໄວຍະວະຕ່າງໆໃນຮ່າງກາຍ. ຫົວໃຈຫ້ອງເບື້ອງເທິງ ແລະເບື້ອງລຸ່ມຈະເຕັ້ນໃນຈັງຫວະທີ່ກ່ຽວພັນກັນ. ຫົວໃຈເຕັ້ນຜິດຈັງຫວະຄື: ເຕັ້ນຊ້າໂພດ ຫຼື ເຕັ້ນໄວໂພດ ຫຼື ມີການຢຸດເຕັ້ນບາງເວລາ. ພາວະຫົວໃຈເຕັ້ນຜິດຈັງຫວະພົບໄດ້ທົ່ວໄປໃນຜູ້ປ່ວຍທຸກໄວ ໂດຍເກີດຈາກສາຍເຫດຂອງຜູ້ປ່ວຍແຕ່ລະຄົນ. ສາຍເຫດເຫຼົ່ານັ້ນອາດມາຈາກຄວາມຜິດປົກກະຕິຂອງສະພາບຫົວໃຈ ເຊັ່ນ: ມີຝາຫົວໃຈໜາ ຫຼື ມີຫົວໃຈຜິດປົກກະຕິມາຕັ້ງແຕ່ເກີດ, ຄວາມຜິດປົກກະຕິຂອງຮ່າງກາຍທີ່ມີຜົນຕໍ່ການທຳງານຂອງຫົວໃຈ ເຊັ່ນ: ເປັນພະຍາດເບົາຫວານ, ຄວາມດັນເລືອດສູງ, ໄຂມັນໃນເສັ້ນເລືອດ, ຫຼອດເລືອດໃນຫົວໃຈຕີບ ແລະ ອື່ນໆ. ​. ​.
img

Duis quis erat non nunc fringilla

Nunc tincidunt, elit non cursus euismod, lacus augue ornare metus, egestas imperdiet nulla nisl quis mauris.

Read More
  • img

    ລະວັງ ໄວຣັດ ຄອມພິວເຕີ

    ໃນວັນທີ 15 ພຶດສະພາ 2017 ກະຊວງໄປສະນີໂທລະຄົມມະນາຄົມ ແລະ ການສື່ສານ (ປທສ) ໄດ້ອອກແຈ້ງການເຕືອນໄພເຖິງບັນດາກະຊວງ ອົງການຈັດຕັ້ງພາກລ ...

img

Duis quis erat non nunc fringilla

Nunc tincidunt, elit non cursus euismod, lacus augue ornare metus, egestas imperdiet nulla nisl quis mauris.

Read More
  • img

    ພິທີໄຂສະຖາບັນ ການຢາ-ການແພດ

    ພິທີໄຂສະຖາບັນ ການຢາ-ການແພດພື້ນເມືອງ ກອງທັບຢ່າງເປັນທາງການໄດ້ ມີຂຶ້ນເມື່ອວັນທີ 3 ມີນານີ້ ທີ່ ບ້ານໂພນສີນວນ ເມືອງສີສັດ ຕະນາກ ນະຄອນຫຼວງວຽງຈັນ ...

ລາຍການຂ່າວສານ

Blog Archive