ໂຈນ ບໍ່ຍ້ານມີດ

Wpfreeware 6:49 AM Technology
ຊາຍຄົນນຶ່ງເຄີຍຖືກໂຈນລັກໂທລະສັບໃນຕອນນອນກາງຄືນ ເຖິງ 2 ຄັ້ງ. ຄັ້ງທີ 1 ລາວບອກກັບໂຕເອງ ວ່າ “ຕ້ອງມີສະຕິຂຶ້ນຕື່ມ”. ຈາກນັ້ນ ກ່ອນຈະນອນ ລາວຕ້ອງໄດ້ເອົາມີດມາໃສ່ກ້ອງຫມອນໄວ້ ເພື່ອໃຊ້ເປັນອາວຸດເມື່ອເວລາສິ່ງທີ່ບໍ່ຄາດຄິດມາເຖິງ. ແຕ່ແລ້ວສິ່ງທີ່ລາວຄິດໄວ້ກໍ່ເກີດຂຶ້ນຊໍ້າເກົ່າ ແລະໃນເທື່ອນີ້ ລາວກໍເສຍໂທລະສັບໄປອີກ ເພາະ “ໂຈນບໍ່ຢ້ານມີດຂອງລາວ” ເຫດການນີ້ ເກີດຂຶ້ນຢູ່ປ້ຳນ້ຳມັນ ທີ່ກຳລັງສ້າງໃໝ່ ຢູ່ ບ້ານ ຊຽງດາ ເມືອງ ໄຊເຊດຖາ ນະຄອນຫຼວງ ວຽງຈັນ. ພວກໂຈນໄດ້ເຂົ້າໄປລັກໂທລະສັບຂອງກຳມະກອນທີ່ເຮັດວຽກກໍ່ສ້າງປໍ້ານໍ້າມັນ ໂດຍໃຊ້ເຫຼັກຂໍເກາະເອົາໂທລະສັບ. ທ້າວ ກ (ບໍ່ປະສົງອອກນາມ) ຜູ້ໄດ້ຮັບເຄາະຮ້າຍຖືກໂຈນລັກໂທລະສັບ 2 ເທື່ອ 2 ໜ່ວຍ ໃນກາງເດືອນທັນວາ 2016 ແລະ ຕົ້ນເດືອນກຸມພາ 2017 ເລົ່າສູ່ຟັງ ວ່າ: ໃນກາງເດືອນ ທັນວາ 2016 ໄດ້ມີໂຈນມາລັກເອົາໂທລະສັບຍີ່ຫໍ້ ໄອໂມບາຍ ທີ່ລາວຊື້ໃນລາຄາ 8,000 ບາດ ໃນເວລາທີ່ລາວນອນ ໂດຍບໍ່ຮູ້ສຶກຕົວ. “ກາງຄືນຂອງມື້ນັ້ນ ຂ້ອຍບໍ່ຮູ້ເມື່ອເລີຍ ແລະ ມາຮູ້ວ່າ ໂທລະສັບຖືກລັກແມ່ນຕອນໂຕເອງໄປຊອກຫາໂທລະສັບ ຫຼັງຈາກທີ່ຜິດສັງເກດ ວ່າບໍ່ມີສາຍຫົວໜ້າ ຫຼື ໝູ່ຄູ່ໂທເຂົ້າຫາ. ຂ້ອຍເລີຍເຂົ້າໄປຊອກຫາໂທລະສັບຢູ່ບ່ອນນອນ ເພື່ອຈະມາໂທ ແຕ່ບໍ່ເຫັນ ເພາະຖືກລັກໄປແລ້ວ, ເຫັນແຕ່ເຫຼັກ 6 ທີ່ໂຈນເຮັດເປັນຂໍເກາະຈາກປ່ອງຝາກະແຕະເທິງຫົວບ່ອນນອນ ຊຶ່ງເຫຼັກຂໍນັ້ນຍັງພັນເກາະຢູ່ມຸ້ງຢູ່.” ຫຼັງຈາກທີ່ໂທລະສັບໜ່ວຍນຶ່ງເສຍແລ້ວ ທ້າວ ກ ກໍໄດ້ຊື້ໂທລະສັບໜ່ວຍໃໝ່ ແຕ່ໜ່ວຍທີ່ຊື້ໃໝ່ພັດຖືກໂຈນກຸ່ມເກົ່າມາລັກເອົາຕື່ມອີກ ໃນເດືອນຕໍ່ມາ. ທ້າວ ກ ນອນຜູ້ດຽວ ເພາະກຳມະກອນອີກ 2 ຄົນທີ່ເຮັດວຽກນໍາກັນແມ່ນນອນຢູ່ອີກຕູບນຶ່ງ ທີ່ຢູ່ດ້ານຫຼັງບ່ອນກໍ່ສ້າງ. “ມື້ເກີດເຫດຄັ້ງທີ 2 ນີ້ ຂ້ອຍກໍ່ນອນຕາມປົກກະຕິ ເພາະປົກກະຕິຢູ່ທາງເສັ້ນນັ້ນຈະມີພວກກິນຢາມ້າມາຈອດລົດມົ້ວສຸມກັນເປັນປົກກະຕິຢູ່ແລ້ວ. ເທື່ອນີ້ໂຈນເກາະເອົາໂທລະສັບທີ່ຂ້ອຍປະໄວ້ຂ້າງບ່ອນນອນໄປອີກ. ຕອນຂ້ອຍຮູ້ເມື່ອ ກໍ່ເປັນເວລາທີ່ພວກມັນຢຽບໄມ້ ແລະ ມີສຽງດັງ ແຕ່ພວກມັນໄດ້ໂທລະສັບຂ້ອຍໄປແລ້ວ ຂ້ອຍຈຶ່ງຈັບເອົາມີດລຸກອອກໄປຂູ່ມັນ ແຕ່ພວກມັນບໍ່ຢ້ານມີດຂ້ອຍຈັກໜ້ອຍ, ມັນບໍ່ແລ່ນ ແຖມຍັງຮ້ອງໃສ່ໝູ່ໃຫ້ເຂົ້າມາຊ່ວຍ, ຂ້ອຍກໍບໍ່ກ້າເຂົ້າໄປຫາມັນ. ຂ້ອຍຮ້ອງໃສ່ໝູ່ທີ່ນອນຢູ່ຕູບທາງຫຼັງມາຊ່ວຍ, ໝູ່ມາກໍພາກັນຢືນຢູ່ຊື່ໆ ບໍ່ກ້າເຮັດຫຍັງ ໂຈນ 2 ຄົນກໍຍ່າງໄປຫາລົດ ແລ້ວຂີ່ໜີໄປເສີຍໆ. ທັງ 2 ເທື່ອ ທ້າວ ກ ກໍໄດ້ໄປແຈ້ງເລື່ອງລາວຕໍ່ອຳນາດການປົກຄອງບ້ານ ຊຽງດາ ເພື່ອເປັນຫຼັກຖານ. ​.
img

Duis quis erat non nunc fringilla

Nunc tincidunt, elit non cursus euismod, lacus augue ornare metus, egestas imperdiet nulla nisl quis mauris.

Read More
  • img

    ລະວັງ ໄວຣັດ ຄອມພິວເຕີ

    ໃນວັນທີ 15 ພຶດສະພາ 2017 ກະຊວງໄປສະນີໂທລະຄົມມະນາຄົມ ແລະ ການສື່ສານ (ປທສ) ໄດ້ອອກແຈ້ງການເຕືອນໄພເຖິງບັນດາກະຊວງ ອົງການຈັດຕັ້ງພາກລ ...

img

Duis quis erat non nunc fringilla

Nunc tincidunt, elit non cursus euismod, lacus augue ornare metus, egestas imperdiet nulla nisl quis mauris.

Read More
  • img

    ພິທີໄຂສະຖາບັນ ການຢາ-ການແພດ

    ພິທີໄຂສະຖາບັນ ການຢາ-ການແພດພື້ນເມືອງ ກອງທັບຢ່າງເປັນທາງການໄດ້ ມີຂຶ້ນເມື່ອວັນທີ 3 ມີນານີ້ ທີ່ ບ້ານໂພນສີນວນ ເມືອງສີສັດ ຕະນາກ ນະຄອນຫຼວງວຽງຈັນ ...

ລາຍການຂ່າວສານ

Blog Archive